హోలీకి హైదరాబాద్ పోలీసుల హెచ్చరిక: బలవంతపు రంగులు, డీజేలు నిషేధం!

హైదరాబాద్ నగరంలో హోలీ పండుగను శాంతియుతంగా, పరస్పర గౌరవంతో జరుపుకోవాలని నగర పోలీస్ కమిషనర్ V. C. Sajjanar సూచించారు. ఇతరులకు ఇబ్బంది కలిగించే విధంగా ప్రవర్తిస్తే కఠిన చర్యలు తప్పవని స్పష్టం చేశారు.

బంజారాహిల్స్‌లోని TGICCC Hyderabad నుంచి పోలీస్ అధికారులతో వీడియో కాన్ఫరెన్స్ ద్వారా సమీక్ష నిర్వహించిన కమిషనర్, పండుగ సందర్భంగా ఎలాంటి అవాంఛనీయ ఘటనలు జరగకుండా ముందస్తు చర్యలు తీసుకోవాలని ఆదేశించారు.

బలవంతపు రంగులకు ‘నో’

ఇష్టం లేని వ్యక్తులపై బలవంతంగా రంగులు పూస్తే కఠిన చర్యలు తీసుకుంటామని సజ్జనర్ హెచ్చరించారు. పాదచారులు, వాహనదారులపై రంగులు చల్లడం, రోడ్లపై గుంపులుగా తిరుగుతూ న్యూసెన్స్ సృష్టించడం అస్సలు సహించబోమన్నారు.

మహిళల పట్ల అసభ్య ప్రవర్తనను అరికట్టేందుకు నగరవ్యాప్తంగా మఫ్టీలో Hyderabad She Teams నిఘా ఉంచుతాయని తెలిపారు.

డీజేలకు అనుమతి లేదు

హోలీ వేడుకల్లో డీజేలకు ఎలాంటి అనుమతి లేదని కమిషనర్ స్పష్టం చేశారు. అధిక శబ్దంతో ప్రజలకు ఇబ్బంది కలిగిస్తే సిటీ పోలీస్ యాక్ట్ ప్రకారం కేసులు నమోదు చేస్తామని హెచ్చరించారు.

రోడ్లపై వాహనాలతో స్టంట్లు చేయడం, గుంపులుగా తిరగడం, ట్రాఫిక్‌కు అంతరాయం కలిగిస్తే వాహనాలను సీజ్ చేస్తామని తెలిపారు.

రంజాన్ నేపథ్యంలో ప్రత్యేక జాగ్రత్తలు

ప్రస్తుతం రంజాన్ మాసం కొనసాగుతున్న నేపథ్యంలో ముస్లింల ప్రార్థనలకు ఎలాంటి ఆటంకం కలగకుండా చూడాలని అధికారులకు ఆదేశించారు. పీస్ కమిటీలతో సమన్వయం చేసుకుంటూ సమస్యాత్మక ప్రాంతాల్లో అదనపు బందోబస్తు ఏర్పాటు చేయాలని సూచించారు.

మద్యం దుకాణాలపై ఆంక్షలు

హోలీ సందర్భంగా హైదరాబాద్ కమిషనరేట్ పరిధిలో మంగళవారం ఉదయం 6 గంటల నుంచి సాయంత్రం 6 గంటల వరకు:

బ్లూ కోట్స్, పెట్రోలింగ్ సిబ్బంది నిరంతరం గస్తీ కాయాలని, ముఖ్య కూడళ్లలో పోలీస్ బందోబస్తు పెంచాలని కమిషనర్ ఆదేశించారు. ఎక్కడైనా శాంతిభద్రతల సమస్య తలెత్తితే వెంటనే డయల్ 100కు సమాచారం ఇవ్వాలని ప్రజలను కోరారు.

ప్రజలకు పిలుపు

హోలీ పండుగ ఆనందానికి ప్రతీక. పరస్పర గౌరవంతో, సహజసిద్ధమైన రంగులు ఉపయోగించి పండుగను సంతోషంగా జరుపుకోవాలని కమిషనర్ నగర ప్రజలను కోరారు. పోలీసులకు సహకరిస్తేనే శాంతి భద్రతలు కాపాడగలమని అన్నారు.

ఈ సమీక్ష సమావేశంలో అదనపు సీపీ Tafseer Iqbal, జాయింట్ సీపీలు Shwetha, S M Vijay Kumar, డీసీపీలు ఖారే కిరణ్ ప్రభాకర్, రూపేశ్, వెంకట లక్ష్మి తదితరులు పాల్గొన్నారు.

ఇంకా చదవండి: నానల్‌నగర్‌లో ట్రాఫిక్ అవగాహన సదస్సు… ఉచిత హెల్మెట్ల పంపిణీ