హైదరాబాద్: బ్యాంకింగ్ రంగంలో స్థిరపడాలనుకునే నిరుద్యోగులకు ఇండియన్ బ్యాంక్ (Indian Bank) తీపి కబురు అందించింది. దేశవ్యాప్తంగా వివిధ విభాగాల్లో ఖాళీగా ఉన్న 350 స్పెషలిస్ట్ ఆఫీసర్ (Specialist Officer) పోస్టుల భర్తీకి నోటిఫికేషన్ విడుదల చేసింది. ఏప్రిల్ 8వ తేదీ నుంచే ఆన్లైన్ దరఖాస్తుల ప్రక్రియ ప్రారంభమైంది.
విభాగాల వారీగా ఖాళీలు:
ఈ నోటిఫికేషన్ ద్వారా ఐటీ (IT), రిస్క్, ఫైనాన్స్, క్రెడిట్, మార్కెటింగ్ వంటి కీలక విభాగాల్లో నియామకాలు చేపట్టనున్నారు. ముఖ్యంగా ఐటీ విభాగంలో డేటా అనలిస్ట్, నెట్వర్క్ ఆపరేషన్స్, ఏపీఐ డెవలపర్ వంటి పోస్టులు ఉన్నాయి.
ముఖ్యమైన వివరాలు:
- మొత్తం ఖాళీలు: 350.
- దరఖాస్తుకు చివరి తేదీ: ఏప్రిల్ 28, 2026.
- వయోపరిమితి: కనీసం 22 ఏళ్లు నిండి ఉండాలి. గరిష్ట వయస్సు పోస్టును బట్టి 32 నుండి 45 ఏళ్ల వరకు ఉంటుంది.
- అర్హత: సంబంధిత విభాగంలో డిగ్రీ లేదా పీజీ (B.E/B.Tech, MBA, CA) ఉత్తీర్ణతతో పాటు పని అనుభవం ఉండాలి.
దరఖాస్తు రుసుము:
- జనరల్, ఓబీసీ, ఈడబ్ల్యూఎస్ అభ్యర్థులకు: ₹850 – ₹1000 వరకు.
- ఎస్సీ, ఎస్టీ మరియు దివ్యాంగులకు: ₹175.
ఎంపిక విధానం:
అభ్యర్థులను ఆన్లైన్ పరీక్ష మరియు పర్సనల్ ఇంటర్వ్యూ ఆధారంగా ఎంపిక చేస్తారు. ఆసక్తి ఉన్న అభ్యర్థులు ఇండియన్ బ్యాంక్ అధికారిక వెబ్సైట్ indianbank.in ద్వారా దరఖాస్తు చేసుకోవచ్చు.
Also Read: Uidai Internship 2026 : ఆధార్ సెంటర్లో ఇంటర్న్షిప్.. నెలకు ₹40 వేల స్టైపెండ్! వివరాలు ఇవే..
