యుద్ధం ప్ర‌భావం.. తెలంగాణలో బీరు, మద్యం ధరలు పెంచే సూచనలు.. మే నుంచి కొత్త రేట్లు?

తెలంగాణ రాష్ట్రంలో మద్యం ధరలు పెరగబోతున్నాయనే వార్తలు మందుబాబులను ఆందోళనకు గురి చేస్తున్నాయి. ఇప్పటికే ఎండల తీవ్రతతో ఇబ్బందులు పడుతున్న ప్రజలకు, బీర్ల ధరల పెంపు మరో భారంగా మారే అవకాశం ఉంది. తాజా సమాచారం ప్రకారం, మే నెల నుంచి కొత్త ధరలు అమల్లోకి రావచ్చని తెలుస్తోంది.

ధరల పెంపు దిశగా ప్రభుత్వం కసరత్తు

సాధారణంగా రాష్ట్రంలో ప్రతి రెండేళ్లకు ఒకసారి మద్యం ధరలను ప్రభుత్వం సమీక్షిస్తుంది. చివరిసారిగా 2023 మేలో ధరలు సవరించగా, 2025లో పెంపు జరగాల్సి ఉన్నా అది వాయిదా పడింది.

ఇప్పుడు సమీక్ష గడువు దాటిపోవడంతో పాటు ఉత్పత్తి వ్యయాలు పెరగడం వల్ల, ఈసారి ధరల పెంపు తప్పదని మద్యం తయారీ సంస్థలు ప్రభుత్వానికి తెలియజేశాయి. కంపెనీలు 12% నుంచి 15% వరకు ధరలు పెంచాలని ఎక్సైజ్ శాఖను కోరాయి.

గ్యాస్ కొరత.. ప్రధాన కారణం

ప్రస్తుతం మద్యం ధరల పెంపుకు ప్రధాన కారణంగా అంతర్జాతీయ పరిస్థితులు నిలుస్తున్నాయి. పశ్చిమాసియాలో నెలకొన్న యుద్ధ వాతావరణం కారణంగా సహజ వాయువు సరఫరా దెబ్బతింది.

గాజు సీసాల తయారీలో గ్యాస్ కీలకం కావడంతో, దేశవ్యాప్తంగా సీసాల ఉత్పత్తి సుమారు 40% వరకు తగ్గింది. దీంతో ఖాళీ బాటిళ్ల ధరలు 20% వరకు పెరిగాయి.

ఈ అదనపు భారాన్ని తాము భరించలేమని కంపెనీలు స్పష్టం చేస్తున్నాయి. సీసాల కొరతతో క్యాన్ల వైపు మళ్లినా, అల్యూమినియం ధరలు కూడా పెరగడం మరో సమస్యగా మారింది.

బీర్ల ధరలు ఎంత పెరుగుతాయి?

ప్రస్తుతం మార్కెట్‌లో ప్రముఖ బీర్ల ధరలు ఇలా ఉన్నాయి:

కొత్త ప్రతిపాదనల ప్రకారం, ఒక్కో బాటిల్‌పై రూ.20 నుంచి రూ.40 వరకు ధర పెరిగే అవకాశం ఉంది. వేసవిలో బీర్లకు డిమాండ్ ఎక్కువగా ఉండటంతో, ఈ పెంపు ప్రభావం మరింత ఎక్కువగా కనిపించనుంది.

జ్యుడీషియల్ కమిటీ పరిశీలన

ధరల పెంపు అంశంపై ప్రభుత్వం ఇప్పటికే ఒక జ్యుడీషియల్ కమిటీని నియమించింది. ఈ కమిటీ నివేదిక ఆధారంగా తుది నిర్ణయం తీసుకునే అవకాశం ఉంది. మే మొదటి వారంలోనే అధికారిక ప్రకటన వెలువడే అవకాశాలు ఉన్నట్లు సమాచారం.

ధరలు పెరిగితే సామాన్యులపై అదనపు భారం పడనుంది. అయితే కొందరు “రేట్లు పెరిగినా తగ్గేదేలే” అంటూ సరదాగా స్పందిస్తున్నా, ఎక్కువ మంది జేబుకి చిల్లుప‌డే నిర్ణయంగా మారనుంది.

ముడిసరుకుల ధరల పెరుగుదల, అంతర్జాతీయ పరిస్థితులు అన్నీ కలిసి మద్యం ధరల పెంపుకు దారితీస్తున్నాయి. మే నుంచి అమల్లోకి రానున్న కొత్త రేట్లు మందుబాబులకు ఎంతవరకు షాక్ ఇస్తాయో చూడాలి.

Also read: ప్రపంచ చమురు మార్గాలపై ఇరాన్ హెచ్చరికలు… బాబ్ ఎల్-మందేబ్ కీలకంగా మారిన ఉద్రిక్తతలు