సినిమాల్లో మాత్రమే చూస్తామని అనుకున్న రాజు వెడ్స్ రాంబాయి తరహా ఘటన ఇప్పుడు నిజ జీవితంలోనూ చోటుచేసుకోవడం తీవ్ర కలకలం రేపుతోంది. మహబూబాబాద్లో జరిగిన నిజ సంఘటన ఆధారంగా తెరకెక్కిన ఆ సినిమాలో, ప్రేమ వ్యవహారం కారణంగా ఓ తండ్రి తన కూతురికి HIV ఉన్న ఇంజెక్షన్ ఇస్తాడు. సరిగ్గా అలాంటి కిరాతక ఆలోచనతోనే, ఏపీలో ఓ యువతి తన మాజీ ప్రియుడిపై పగ పెంచుకొని అతడి భార్యపై ప్రాణాంతక దాడికి పాల్పడిన ఘటన బయటపడింది. కర్నూలు జిల్లాలో జరిగిన ఈ ఘటన ఇప్పుడు సోషల్ మీడియాలో వైరల్గా మారింది. ప్రేమ, అసూయ, ప్రతీకారం ఎలా మనిషిని హద్దులు దాటేలా చేస్తాయో ఈ కేసు మరోసారి రుజువు చేస్తోంది.
కర్నూలుకు చెందిన డాక్టర్ కరుణ్ కుమార్కి గతంలో వసుంధర అనే యువతితో పరిచయం, స్నేహం ఉంది. అయితే కొన్ని కారణాల వల్ల ఇద్దరి మధ్య విభేదాలు రావడంతో ఆ బంధం ముగిసిపోయింది. అనంతరం కరుణ్ కుమార్ శ్రావణి అనే యువతిని వివాహం చేసుకున్నాడు. ఈ విషయాన్ని జీర్ణించుకోలేకపోయిన వసుంధర, తన మాజీ ప్రియుడు మరో మహిళను పెళ్లి చేసుకోవడాన్ని తీవ్రంగా మనసులో పెట్టుకుంది. ఈ క్రమంలోనే శ్రావణిని ఏదో విధంగా అడ్డుతొలగించాలనే కిరాతక ఆలోచనతో ముందుకు వెళ్లింది.
ముందస్తు ప్రణాళికతో ..
- పోలీసుల విచారణలో బయటపడిన వివరాల ప్రకారం
- వసుంధర ముందే ప్లాన్ వేసి, శ్రావణి స్కూటీపై వెళ్తున్న సమయంలో ప్రమాదం జరిగేలా చేసింది
- స్కూటీ నుంచి కిందపడిన శ్రావణి వద్దకు సాయం చేస్తున్నట్టు నటిస్తూ దగ్గరకు చేరింది
- అదే సమయంలో మరో ముగ్గురు వ్యక్తులు అక్కడికి చేరుకొని ఆమెను ఆటోలో ఎక్కించారు
- అప్పటికే ఆటోలో ఉన్న వసుంధర, శ్రావణిపై వైరస్ ఇంజెక్షన్తో దాడి చేసింది
- బాధితురాలి అరుపులతో తప్పిన ప్రమాదం
- అయితే ఇంజెక్షన్ వేస్తున్న సమయంలో శ్రావణి గట్టిగా కేకలు వేయడంతో
- నిందితులు భయపడి అక్కడి నుంచి పారిపోయారు
- స్థానికులు స్పందించి శ్రావణిని వెంటనే ఆసుపత్రికి తరలించారు
- సకాలంలో చికిత్స అందడంతో ఆమె ప్రాణాపాయం నుంచి బయటపడింది
పోలీసుల వేగవంతమైన దర్యాప్తు :
ఈ ఘటన గురించి తెలుసుకున్న శ్రావణి భర్త కరుణ్ కుమార్ వెంటనే పోలీసులకు ఫిర్యాదు చేశారు. కేసు నమోదు చేసిన పోలీసులు
సీసీటీవీ కెమెరా ఫుటేజ్లు పరిశీలించారు
సాంకేతిక ఆధారాలు సేకరించారు
దర్యాప్తు ఆధారంగా వసుంధరతో పాటు ఆమెకు సహకరించిన మరో ముగ్గురిని అరెస్టు చేశారు
సమాజాన్ని వణికిస్తున్న ఘటన :
ఈ కేసు బయటపడిన తర్వాత ప్రజల్లో తీవ్ర ఆందోళన వ్యక్తమవుతోంది. సినిమాల్లో చూసే క్రైమ్ కథలు నిజ జీవితంలో జరుగుతుండటం, ముఖ్యంగా ప్రేమ విఫలమైందనే కారణంతో ఈ స్థాయిలో ప్రతీకారం తీర్చుకోవడం సమాజానికి ప్రమాదకర సంకేతమని నిపుణులు చెబుతున్నారు.పోలీసులు ఈ కేసును అత్యంత సీరియస్గా తీసుకొని, నిందితులపై కఠిన చర్యలు తీసుకుంటామని స్పష్టం చేశారు. ఇలాంటి ఘటనలు పునరావృతం కాకుండా ప్రజలు అప్రమత్తంగా ఉండాలని, అనుమానాస్పద ఘటనలు కనిపిస్తే వెంటనే పోలీసులకు సమాచారం ఇవ్వాలని సూచిస్తున్నారు.
