హైదరాబాద్: అంతర్జాతీయ రాజకీయాల్లో చోటు చేసుకున్న అనూహ్య పరిణామాలు భారతీయ బులియన్ మార్కెట్ను ఒక్కసారిగా వేడెక్కించాయి. ఇరాన్తో యుద్ధం ముగింపు దశకు వచ్చిందంటూ అమెరికా అధ్యక్షుడు డొనాల్డ్ ట్రంప్ చేసిన కీలక ప్రకటన ప్రపంచ వ్యాప్తంగా ఆర్థిక మార్పులకు కారణమైంది.
ఈ ప్రకటనతో క్రూడ్ ఆయిల్ ధరలు సుమారు 26 శాతం మేర పడిపోగా, డాలర్ విలువ కూడా దిగొచ్చింది. ఈ నేపథ్యంలో ఇన్వెస్టర్లు సురక్షిత పెట్టుబడిగా భావించే బంగారం వైపు మొగ్గు చూపడంతో, గత వారం రోజులుగా తగ్గుతూ వచ్చిన పసిడి ధరలు ఒక్కసారిగా పుంజుకున్నాయి.
అంతర్జాతీయ మార్కెట్ పరిస్థితి:
గ్లోబల్ మార్కెట్లో పసిడి ధరలు ఆకాశాన్నంటాయి. స్పాట్ గోల్డ్ ధర ఔన్సుకు ఏకంగా 125 డాలర్లు పెరిగి, ప్రస్తుతం 5,218 డాలర్ల వద్ద ట్రేడ్ అవుతోంది. అదేవిధంగా వెండి ధర కూడా దాదాపు 5.49 శాతం మేర పెరిగి ఔన్సుకు 88.81 డాలర్లకు చేరింది.
హైదరాబాద్లో నేటి బంగారం ధరలు (మార్చి 11):
- హైదరాబాద్ బులియన్ మార్కెట్లో పసిడి ప్రియులకు ధరల షాక్ తగిలింది.
- 22 క్యారెట్ల ఆభరణాల బంగారం: 10 గ్రాములపై రూ. 650 మేర పెరగడంతో, తులం బంగారం ధర రూ. 1,48,850 వద్దకు చేరింది.
- 24 క్యారెట్ల మేలిమి బంగారం: 10 గ్రాములపై రూ. 700 మేర పెరిగి, ప్యూర్ గోల్డ్ ధర రూ. 1,62,380 వద్ద కొనసాగుతోంది.
వెండి ధరలో భారీ పెరుగుదల:
బంగారం కంటే వెండి ధరలో పెరుగుదల మరింత ఆందోళనకరంగా ఉంది. గత పది రోజులుగా స్థిరంగా ఉన్న వెండి ధర, ఈ ఒక్కరోజే కిలోకు ఏకంగా రూ. 10,000 పెరిగింది. దీంతో ప్రస్తుతం మార్కెట్లో కిలో వెండి ధర మళ్లీ రూ. 3,00,000 మార్కును తాకింది.
పశ్చిమాసియాలో ఉద్రిక్తతలు తగ్గుతాయన్న అంచనాల మధ్య, మార్కెట్ నిపుణులు ఈ ధరల పెరుగుదల తాత్కాలికమేనా లేక మరికొంత కాలం కొనసాగుతుందా అని పరిశీలిస్తున్నారు.
