హైదరాబాద్: ఏపీ ఉపముఖ్యమంత్రి పవన్ కళ్యాణ్ కుటుంబంలో ఏప్రిల్ 8వ తేదీకి ఒక ప్రత్యేకత ఉంది. ఈరోజు పవన్ పెద్ద కుమారుడు అకీరా నందన్ పుట్టినరోజు. అయితే, ఇదే రోజు పవన్ చిన్న కుమారుడు మార్క్ శంకర్ పవనోవిచ్కు ‘పునర్జన్మ’ లభించిన రోజు కూడా. ఈ రెండు విషయాలను గుర్తు చేసుకుంటూ అన్నా లెజినోవా చేసిన ట్వీట్ ఇప్పుడు అభిమానుల మనసు గెలుచుకుంటోంది.
అకీరా ఎంట్రీపై అంచనాలు:
అకీరా నందన్ పుట్టినరోజు సందర్భంగా అన్నా లెజినోవా విష్ చేస్తూనే, అతని సినిమా ఎంట్రీపై ఆసక్తికర వ్యాఖ్యలు చేశారు.
“హ్యాపీ బర్త్డే అకీ.. బాగా సిద్ధం కా, సిద్ధంగా ఉండు.. నీ ఎంట్రీ ఎలా ఉండాలి? నీ మొదటి సినిమాతోనే రికార్డులు సృష్టించాలా?” అంటూ ఆమె చేసిన పోస్ట్ చూస్తుంటే, అకీరా వెండితెర అరంగేట్రంపై మెగా ఫ్యామిలీలో అప్పుడే ఒక స్పష్టమైన ప్లాన్ నడుస్తోందని అర్థమవుతోంది.
View this post on Instagram
మార్క్ శంకర్ ‘పునర్జన్మ’ దినం:
గతేడాది సరిగ్గా ఇదే రోజున (ఏప్రిల్ 8, 2025) సింగపూర్లో జరిగిన ఒక భారీ అగ్నిప్రమాదం నుంచి మార్క్ శంకర్ ప్రాణాలతో బయటపడ్డాడు. ఆ భయానక ఘటనను గుర్తు చేసుకుంటూ.. ఒకే రోజున ఒకరికి పుట్టినరోజు, మరొకరికి పునర్జన్మ లభించడం తమ కుటుంబానికి మర్చిపోలేని ఎమోషనల్ డే అని అన్నా పేర్కొన్నారు.
సోషల్ మీడియాలో వైరల్:
ఈ పోస్ట్ చూసిన పవన్ అభిమానులు అకీరాకు పుట్టినరోజు శుభాకాంక్షలు తెలుపుతూనే.. “జూనియర్ పవర్ స్టార్ ఎంట్రీ కోసం వేయి కళ్లతో ఎదురుచూస్తున్నాం” అని కామెంట్స్ చేస్తున్నారు. అకీరా ప్రస్తుతం సంగీతం మరియు ఇతర కళల్లో శిక్షణ పొందుతుండటం, ఇప్పటికే కొన్ని షార్ట్ ఫిలిమ్స్కు మ్యూజిక్ అందించడం విశేషం.
