హైదరాబాద్‌లో ‘ఆపరేషన్ కవచ్’.. 5 వేల మంది పోలీసులతో అర్ధరాత్రి మెగా తనిఖీలు

నగర భద్రత కోసం భారీ ఆపరేషన్

హైదరాబాద్ నగరంలో అంతర్గత భద్రతను మరింత బలోపేతం చేయడంతో పాటు అసాంఘిక శక్తుల కదలికలను ముందుగానే గుర్తించి అడ్డుకునే లక్ష్యంతో సిటీ పోలీసులు ‘ఆపరేషన్ కవచ్’ను నిర్వహించారు. శుక్రవారం అర్ధరాత్రి 11 గంటల నుంచి రాత్రి 1 గంట వరకు సాగిన ఈ ప్రత్యేక తనిఖీల్లో సుమారు 5,000 మంది పోలీసు సిబ్బంది పాల్గొన్నారు.

నగరంలోని మొత్తం 562 హోటళ్లు, లాడ్జీల్లో సోదాలు నిర్వహించి, సందర్శకుల వివరాలు, రిజిస్టర్లు, గుర్తింపు కార్డుల నమోదును క్షుణ్ణంగా పరిశీలించారు.

స్వయంగా పర్యవేక్షించిన సీపీ వీసీ సజ్జనర్

ఈ ఆపరేషన్‌ను హైదరాబాద్ పోలీస్ కమిషనర్ వీసీ సజ్జనర్ స్వయంగా పర్యవేక్షించడం విశేషం. నాంపల్లి రైల్వే స్టేషన్ పరిసరాలు, అమీర్‌పేట ప్రాంతాల్లోని పలు లాడ్జీలను ఆయన ప్రత్యక్షంగా సందర్శించారు.

లాడ్జీలలో బస చేస్తున్న వ్యక్తులతో నేరుగా మాట్లాడి వారు ఎక్కడి నుంచి వచ్చారు, నగరానికి వచ్చిన ఉద్దేశం ఏమిటి, ఎన్ని రోజులు ఉండబోతున్నారు వంటి వివరాలను అడిగి తెలుసుకున్నారు. గదుల కేటాయింపు ప్రక్రియ, సందర్శకుల వివరాల నమోదు విధానాన్ని కూడా పరిశీలించారు.

ఏ జోన్‌లో ఎన్ని తనిఖీలు?

హైదరాబాద్ కమిషనరేట్ పరిధిలోని 7 జోన్లలో ఈ తనిఖీలు జరిగాయి.

హోటల్ నిర్వాహకులకు కీలక ఆదేశాలు

తనిఖీల అనంతరం హోటళ్లు, లాడ్జీల యాజమాన్యాలకు సీపీ సజ్జనర్ పలు సూచనలు చేశారు.

అని స్పష్టం చేశారు.

మైనర్లకు గదులు ఇవ్వొద్దు

మైనర్లకు ఎట్టి పరిస్థితుల్లోనూ గదులు ఇవ్వకూడదని సీపీ స్పష్టమైన హెచ్చరిక చేశారు. వయస్సు నిర్ధారణ కోసం గుర్తింపు కార్డులను తప్పనిసరిగా పరిశీలించాలని సూచించారు.

త్వరలో డిజిటల్ విజిటర్ మేనేజ్‌మెంట్ సిస్టమ్

హోటళ్లు, లాడ్జీల్లో సందర్శకుల వివరాల నమోదును మరింత పారదర్శకంగా, సురక్షితంగా మార్చేందుకు త్వరలో డిజిటల్ విజిటర్ మేనేజ్‌మెంట్ సిస్టమ్‌ను ప్రవేశపెట్టనున్నట్లు సీపీ వెల్లడించారు.

అలాగే హోటళ్లలో:

• ఎంట్రీ పాయింట్లు
• ఎగ్జిట్ గేట్లు
• రిసెప్షన్ ప్రాంతాలు

స్పష్టంగా కనిపించేలా సీసీటీవీ కెమెరాలు ఏర్పాటు చేయాలని సూచించారు.

అనుమానాస్పద వ్యక్తులపై వెంటనే సమాచారం

ఎవరైనా అనుమానాస్పదంగా కనిపించినా, అసాంఘిక కార్యకలాపాలకు పాల్పడుతున్నట్లు అనుమానం వచ్చినా వెంటనే డయల్ 100కు లేదా స్థానిక పోలీస్ స్టేషన్‌కు సమాచారం అందించాలని సీపీ సజ్జనర్ ప్రజలకు, హోటల్ యాజమాన్యాలకు విజ్ఞప్తి చేశారు.

నిబంధనలు పాటించని హోటళ్లు, లాడ్జీల నిర్వాహకులపై కఠిన చట్టపరమైన చర్యలు తీసుకుంటామని హెచ్చరించారు.

శాంతిభద్రతల పరిరక్షణే లక్ష్యం

నగరంలో నేరాలను అరికట్టడం, అనుమానాస్పద వ్యక్తుల కదలికలపై నిఘా పెంచడం, ప్రజల్లో భద్రతా భావనను పెంపొందించడం కోసం ‘ఆపరేషన్ కవచ్’ నిర్వహించినట్లు హైదరాబాద్ పోలీసులు తెలిపారు.