కేంద్ర ప్రభుత్వం ఆధార్ వినియోగదారుల భద్రతను దృష్టిలో ఉంచుకుని కొత్తగా ఎం-ఆధార్ (mAadhaar) యాప్ను ప్రవేశపెట్టింది. ఆధార్కు సంబంధించిన అనేక ఆన్లైన్ సేవలను ఒకేచోట అందించడమే కాకుండా, యూజర్లకు తమ వ్యక్తిగత వివరాలపై పూర్తి నియంత్రణ కల్పించేలా ఈ యాప్ రూపొందించారు. ముఖ్యంగా ఆధార్ బయోమెట్రిక్ వివరాలను లాక్ లేదా అన్లాక్ చేసుకునే ఆప్షన్ యూజర్లకు అదనపు భద్రతను అందిస్తోంది.
ఆధార్ను సురక్షితంగా ఉంచేందుకు Unique Identification Authority of India (యూఐడీఏఐ) ప్రత్యేకంగా ఈ లాక్/అన్లాక్ సదుపాయాన్ని అందిస్తోంది. యూజర్ ఆధార్ను లాక్ చేసినప్పుడు, ఆ ఆధార్ నెంబర్తో జరిగే ధృవీకరణ ప్రక్రియలు తాత్కాలికంగా నిలిచిపోతాయి. దీనివల్ల ఇతరులు మీ ఆధార్ వివరాలను ఉపయోగించుకునే అవకాశం ఉండదు. ముఖ్యంగా ఆన్లైన్ మోసాల నుంచి రక్షణ పొందేందుకు ఇది ఎంతో ఉపయోగకరం.
ఆధార్ లాక్ చేయడం వల్ల ప్రయోజనాలు :
- బయోమెట్రిక్ వివరాలు దుర్వినియోగం కాకుండా కాపాడుకోవచ్చు
- ఇతర సేవల కోసం ఆధార్ నెంబర్ ఉపయోగించకుండా నిలిపివేయవచ్చు
- యూజర్కు పూర్తి నియంత్రణ ఉంటుంది
- అవసరమైనప్పుడు మళ్లీ అన్లాక్ చేసుకునే అవకాశం ఉంటుంది
- ఎం-ఆధార్ యాప్ ద్వారా లాక్/అన్లాక్ చేసే విధానం
- ముందుగా గూగుల్ ప్లే స్టోర్లోకి వెళ్లి mAadhaar యాప్ను ఇన్స్టాల్ చేసుకోవాలి.
- ఆధార్కు రిజిస్టర్ చేసిన మొబైల్ నెంబర్తో ఓటీపీ ద్వారా లాగిన్ కావాలి.
- యాప్లో “Services” విభాగంలోకి వెళ్లి “Lock/Unlock Aadhaar” ఆప్షన్ను ఎంచుకోవాలి.
- “Lock Aadhaar”పై క్లిక్ చేసి స్క్రీన్పై కనిపించే సూచనలను అనుసరించాలి.
- ధృవీకరణ కోసం వచ్చే ఓటీపీని నమోదు చేసిన వెంటనే ఆధార్ లాక్ అవుతుంది.
- అవసరమైనప్పుడు ఇదే విధంగా “Unlock Aadhaar” ఆప్షన్ ద్వారా తిరిగి అన్లాక్ చేసుకోవచ్చు.
ఈ విధానం ద్వారా యూజర్లు తమ ఆధార్ సమాచారాన్ని మరింత సురక్షితంగా ఉంచుకోవచ్చు. డిజిటల్ యుగంలో పెరుగుతున్న సైబర్ మోసాల నేపథ్యంలో ఈ ఫీచర్ ప్రతి ఆధార్ వినియోగదారుడికి ఉపయోగపడే కీలక భద్రతా సాధనంగా నిలుస్తోంది.
మరో ముఖ్య విషయం ఏంటంటే ఆధార్ని తర్వలో రీ డిజైన్ చేసే ఆలోచనలో యూఐడీఐఏ ఉందట. ఈ రీడిజైన్లో కేవలం ఫొటో క్యూఆర్ కోడ్ మాత్రమే మనకు కనిపిస్తుందని అంటున్నారు. పర్సనల్ డీటైల్స్ అన్నీ కనిపించకుండా దీనిని మాడిఫై చేయనున్నట్టు సమాచారం.
