అభిషేక్–సూర్య సునామీ.. 10 ఓవర్లలోనే టార్గెట్ చేజ్ చేశారుగా, మ్యాచ్ రికార్డులు ఏంటంటే..!

న్యూజిలాండ్‌తో జరుగుతున్న ఐదు టీ20ల సిరీస్‌లో టీమిండియా అద్భుత ప్రదర్శన కొనసాగిస్తోంది. గౌహతి వేదికగా ఆదివారం జరిగిన మూడో టీ20లో భారత జట్టు సమష్టిగా రాణించి 8 వికెట్ల తేడాతో ఘన విజయం సాధించింది. ఈ విజయంతో మరో రెండు మ్యాచ్‌లు మిగిలి ఉండగానే 3-0తో సిరీస్‌ను ఖాయం చేసుకుంది. అభిషేక్ శర్మ, సూర్యకుమార్ యాదవ్ బ్యాటింగ్ విధ్వంసంతో భారత్ కేవలం 10 ఓవర్లలోనే లక్ష్యాన్ని ఛేదించి అభిమానులకు మరిచిపోలేని అనుభూతిని మిగిల్చింది.

టాస్ గెలిచి ముందుగా బ్యాటింగ్ చేసిన న్యూజిలాండ్‌కు భారత బౌలర్లు ఎక్కడా ఊపిరి తీసుకునే అవకాశం ఇవ్వలేదు. పవర్‌ప్లే నుంచి డెత్ ఓవర్ల వరకూ కట్టుదిట్టమైన బౌలింగ్‌తో కివీస్‌ను నిర్ణీత 20 ఓవర్లలో 9 వికెట్లకు 153 పరుగులకే కట్టడి చేశారు.

న్యూజిలాండ్ బ్యాటర్లలో:

గ్లెన్ ఫిలిప్స్ – 40 బంతుల్లో 48 పరుగులు (6 ఫోర్లు, 1 సిక్స్)

మార్క్ చాప్‌మన్ – 23 బంతుల్లో 32 పరుగులు

మిచెల్ సాంట్నర్ – 17 బంతుల్లో 27 పరుగులు

భారత బౌలింగ్‌లో:

జస్ప్రీత్ బుమ్రా – 3/17

హార్దిక్ పాండ్యా – 2 వికెట్లు

రవి బిష్ణోయ్ – 2 వికెట్లు

హర్షిత్ రాణా – 1 వికెట్

ఛేజింగ్‌లో షాక్.. కానీ వెంటనే సునామీ

154 పరుగుల లక్ష్యంతో బరిలోకి దిగిన టీమిండియాకు ఆరంభంలోనే ఎదురుదెబ్బ తగిలింది. ఓపెనర్ సంజూ శాంసన్ మరోసారి డకౌట్‌గా వెనుదిరిగాడు. అయినా అభిషేక్ శర్మ – ఇషాన్ కిషన్ జోడీ దూకుడుగా ఆడుతూ కివీస్ బౌలర్లపై విరుచుకుపడ్డారు.

కేవలం 19 బంతుల్లోనే భారత్ 50 పరుగులు పూర్తి చేసింది

తొలి వికెట్‌కు 53 పరుగుల భాగస్వామ్యం

ఇషాన్ కిషన్ 28 పరుగులు చేసి క్యాచ్ ఔట్

అభిషేక్–సూర్య విధ్వంసం.. గౌహతి గర్జించింది

ఇషాన్ ఔటైన తర్వాత సూర్యకుమార్ యాదవ్ క్రీజులోకి వచ్చాడు. అక్కడినుంచి మ్యాచ్ మొత్తం టీమిండియా ఆధిపత్యమే కనిపించింది. అభిషేక్ శర్మ అతి వేగంగా పరుగులు రాబట్టగా, మరోవైపు సూర్య తన 360 డిగ్రీ ఆటతో అభిమానులను ఉర్రూతలూగించాడు.

అభిషేక్ శర్మ: 20 బంతుల్లో 68* (7 ఫోర్లు, 5 సిక్స్‌లు)

14 బంతుల్లో హాఫ్ సెంచరీ

వరుసగా రెండో అర్ధశతకం

సూర్యకుమార్ యాదవ్: 26 బంతుల్లో 57* (6 ఫోర్లు, 3 సిక్స్‌లు)

ఛేజింగ్ అదుర్స్ :

భారత్ 10 ఓవర్లలోనే 155/2 పరుగులు చేసి మ్యాచ్ ముగించింది

న్యూజిలాండ్ బౌలింగ్‌లో:

మ్యాట్ హెన్రీ – 1 వికెట్

ఇష్ సోధీ – 1 వికెట్

మ్యాచ్ హైలైట్స్ & కీలక పాయింట్లు

భారత్ 8 వికెట్ల తేడాతో ఘన విజయం

3-0తో సిరీస్ ఖాయం

150+ లక్ష్యాన్ని 10 ఓవర్లలో ఛేదించిన అరుదైన ఘనత

రికార్డులు :

ఈ మ్యాచ్‌లో నమోదైన కీలక రికార్డులు..

టీమిండియా వరుసగా 10వ టీ20 సిరీస్ విజయాన్ని తన ఖాతాలో వేసుకుంది.

టీ20ల్లో 14 బంతుల్లోనే హాఫ్ సెంచరీ పూర్తి చేసి, ఈ ఘనత సాధించిన రెండో భారత బ్యాటర్‌గా అభిషేక్ రికార్డ్.

పవర్‌ప్లేలో భారత్ 94/2 పరుగులు చేయ‌గా, ఇది టీమిండియాకు రెండో అత్యధిక పవర్‌ప్లే స్కోరు

150 కంటే ఎక్కువ పరుగుల లక్ష్యాన్ని కేవలం 10 ఓవర్లలోనే పూర్తి చేసి భారత్ సరికొత్త రికార్డు

గత 11 ఇన్నింగ్స్‌ల్లో కుల్దీప్ యాదవ్ వికెట్ తీయకపోవడం ఇదే మొదటిసారి.

ఇరు జట్ల మధ్య నాలుగో టీ20 మ్యాచ్ విశాఖపట్నం వేదికగా బుధవారం జరగనుంది. ఇప్పటికే సిరీస్ భారత్ సొంతమైనా.. మిగిలిన మ్యాచ్‌ల్లోనూ ఆధిపత్యాన్ని కొనసాగిస్తూ క్లీన్ స్వీప్ సాధిస్తుందా అనే ఉత్కంఠ అభిమానుల్లో నెలకొంది.