డిజిటల్ స్ట్రీమింగ్ ప్రపంచంలో సరికొత్త ధోరణికి తెరతీస్తూ జియోహాట్స్టార్ (JioHotstar) వేదికగా ప్రారంభమైన ‘తడ్కా’ (TADKA) ఏకంగా 100 మిలియన్ల కస్టమర్ల మార్కును అధిగమించి చరిత్ర సృష్టించింది. దీంతో ప్రీమియం మైక్రో-కంటెంట్ విభాగం అనేది భారతీయ వినోద రంగంలో ఒక ప్రధాన స్రవంతిగా (Mainstream entertainment category) మారిపోయింది. సాంప్రదాయ సుదీర్ఘమైన సినిమాలు, సిరీస్లతో పాటు మొబైల్లో సులభంగా చూసే వీలుండే షార్ట్-ఫార్మాట్ కథలకు ప్రేక్షకులు ఎంతగా బ్రహ్మరథం పడుతున్నారో ఈ రికార్డు స్థాయి వృద్ధి నిరూపిస్తోంది. ఈ ప్లాట్ఫామ్ అందుబాటులోకి వచ్చినప్పటి నుండి ప్రతి వీక్షకుడి రోజువారీ వాచ్ టైమ్ (వీక్షణ సమయం) ఊహించని విధంగా ఐదు రెట్లు పెరిగింది.
24 ఏళ్ల లోపు యువతలోనే క్రేజ్ ఎక్కువ
తడ్కా (TADKA) విభాగం అన్ని వర్గాల కస్టమర్లను ఆకట్టుకుంటూ దూసుకుపోతోంది. దీనికి సంబంధించిన కొన్ని ఆసక్తికరమైన గణాంకాలు ఇలా ఉన్నాయి:
యువ ప్రేక్షకులు: మొత్తం వీక్షకులలో 42 శాతం కంటే ఎక్కువ మంది 24 సంవత్సరాల లోపు వయసు కలిగిన యువతరం కావడం విశేషం.
నగరాల భాగస్వామ్యం: దేశంలోని మెట్రో నగరాలతో పాటు టైర్ 2 పట్టణాల నుండి వచ్చే వీక్షకులు మొత్తం వాచ్ టైమ్లో సమానంగా (చెరో 40 శాతం) వాటాను కలిగి ఉన్నారు.
ఈ ట్రెండ్ మొబైల్-ఫస్ట్ స్టోరీటెల్లింగ్ విధానానికి భారతీయ మార్కెట్లో లభిస్తున్న ఆదరణను స్పష్టం చేస్తోంది.
దేశవ్యాప్త క్రియేటివ్ నెట్వర్క్.. 30-60 సెకన్ల మొబైల్ ఎపిసోడ్లు
జియోహాట్స్టార్ ప్లాట్ఫామ్లో 100 కంటే ఎక్కువ ఒరిజినల్ కథలతో విడుదలైన తడ్కా, రోజువారీ బిజీ లైఫ్లో దొరికే చిన్న చిన్న విరామ సమయాలను వినోదభరితంగా మార్చడానికి ఉపయోగపడుతుంది. పూర్తిగా మొబైల్ ఫోన్ వినియోగానికి సరిపోయేలా కేవలం 30 నుండి 60 సెకన్ల వ్యవధితో ఉండే నిలువు వరుస (Vertical) ఎపిసోడ్లను ఇందులో పొందుపరిచారు. సమకాలీన భారతీయ జీవన విధానం, నిత్య జీవిత భావోద్వేగాలు , బంధాల చుట్టూ తిరిగే ఈ కథలు తెలుగు, తమిళం, హిందీతో పాటు మరికొన్ని ప్రాంతీయ భాషల్లో లభిస్తున్నాయి. ఇందులో రొమాన్స్, లవ్, డ్రామా, క్రైమ్ థ్రిల్లర్స్, కామెడీ, స్పోర్ట్స్ వంటి విభిన్నమైన జోనర్స్ అందుబాటులో ఉన్నాయి.
ఈ విభాగం సృష్టించిన డిమాండ్ వల్ల కేవలం ముంబై లేదా ఢిల్లీ వంటి వినోద కేంద్రాలకే పరిమితం కాకుండా ప్రస్తుతం లక్నో, ఇండోర్, హైదరాబాద్, బెంగళూరు, చెన్నై వంటి నగరాల్లో కూడా క్రియేటర్లు, ప్రొడక్షన్ బృందాలు షూటింగ్స్ నిర్వహిస్తూ వైవిధ్యమైన ప్రాంతీయ కోణాలను ప్రేక్షకుల ముందుకు తెస్తున్నారు.
డిజిటల్ స్ట్రీమింగ్లో ఒక సరికొత్త మైలురాయి
ఈ సంచలన రికార్డుపై జియోస్టార్ మైక్రో కంటెంట్ ఎగ్జిక్యూటివ్ వైస్ ప్రెసిడెంట్ అంబుజ్ కశ్యప్ మాట్లాడుతూ.. “100 మిలియన్ల వినియోగదారుల మార్కును దాటడం అనేది డిజిటల్ స్ట్రీమింగ్ రంగంలో ఒక అతిపెద్ద పరిణామ క్రమంగా భావించవచ్చు. రోజువారీ జీవితంలో దొరికే ప్రతి చిన్న ఖాళీ సమయంలోనూ ఎంటర్టైన్మెంట్ ఒక భాగం అయ్యేలా చేయడంలో ఈ మైక్రో కంటెంట్ కథలు సరికొత్త విప్లవాన్ని తెచ్చాయి. ఈ కొత్త ఫార్మాట్ చిత్ర పరిశ్రమలో సరికొత్త సృజనాత్మకతకు తలుపులు తీయడమే కాకుండా, సరికొత్త ప్రేక్షకులను , వృద్ధి అవకాశాలను అందిస్తుంది. ఆకట్టుకునే కథలు, సరికొత్త ప్రొడక్ట్ ఆవిష్కరణలు, విస్తరిస్తున్న క్రియేటర్ల వ్యవస్థ ద్వారా ఈ విభాగాన్ని మరింత ముందుకు తీసుకెళ్తాము” అని పేర్కొన్నారు.
మారుతున్న యూజర్ల అలవాట్లకు అనుగుణంగా వినోద అనుభూతిని సరికొత్తగా మార్చాలనే జియోహాట్స్టార్ వ్యూహంలో తడ్కా (TADKA) కీలక పాత్ర పోషిస్తోంది. ఇంటరాక్టివ్ కామర్స్, సెకండ్-స్క్రీన్ ఎక్స్పీరియన్స్ నుండి ఈ ప్రీమియం మైక్రో-కంటెంట్ వరకు.. జియోహాట్స్టార్ ప్రేక్షకులు కథలతో కనెక్ట్ అయ్యే విధానాన్ని సరికొత్తగా విస్తరిస్తూ భారత్లో వినోద రంగాన్ని సరికొత్తగా తీర్చిదిద్దుతోంది.
