హైదరాబాద్: తెలంగాణ ప్రజలకు వాతావరణ శాఖ అత్యంత కీలకమైన హెచ్చరిక జారీ చేసింది. ఏప్రిల్ 12 నుంచి 22 వరకు అంటే దాదాపు 10 రోజుల పాటు రాష్ట్రవ్యాప్తంగా శక్తివంతమైన వడగాల్పులు (Powerful Heatwave) వీస్తాయని వెల్లడించింది. రాబోయే పది రోజులు ఎండలు మునుపెన్నడూ లేని విధంగా ఉండబోతున్నాయి.
జిల్లాల వారీగా ఎండల తీవ్రత:
రెడ్ మార్క్ జిల్లాలకు ప్రమాదం (42-44°C+): ఉత్తర మరియు తూర్పు తెలంగాణలోని ఆదిలాబాద్, ఆసిఫాబాద్, నిర్మల్, నిజామాబాద్, జగిత్యాల, మంచిర్యాల, ములుగు, భద్రాద్రి కొత్తగూడెం, ఖమ్మం, మరియు గద్వాల్ జిల్లాల్లో ఎండలు తీవ్రంగా ఉంటాయి. కొన్ని ప్రాంతాల్లో ఉష్ణోగ్రతలు 44 డిగ్రీల సెల్సియస్ దాటే అవకాశం ఉంది.
ఆరెంజ్ మార్క్ జిల్లాలు (40-42°C): కామారెడ్డి, సిరిసిల్ల, కరీంనగర్, భూపాలపల్లి, హన్మకొండ, వరంగల్, మహబూబాబాద్, సూర్యాపేట, నల్గొండ, మరియు వనపర్తి జిల్లాల్లో ఉష్ణోగ్రతలు 42 డిగ్రీల వరకు నమోదవుతాయి.
హైదరాబాద్ మరియు పరిసర ప్రాంతాలు (39-41°C): హైదరాబాద్, మేడ్చల్, రంగారెడ్డి, యాదాద్రి, సంగారెడ్డి జిల్లాల్లో ఎండలు 41 డిగ్రీల వరకు ఉంటాయి. ఏప్రిల్ 12 నుంచి 22 వరకు వరుసగా 10 రోజుల పాటు ఉష్ణోగ్రతలు అస్సలు తగ్గవని వాతావరణ నిపుణులు హెచ్చరిస్తున్నారు.
కీలక అంశాలు: వర్షాలు: అక్కడక్కడా చెదురుమదురుగా వర్షాలు పడే అవకాశం ఉన్నా, ఎండల తీవ్రత నుండి ఉపశమనం కలిగించే స్థాయిలో ఉండవు.
వడగాల్పులు: మధ్యాహ్నం వేళల్లో వేడి గాలులు తీవ్రంగా వీస్తాయి.
జాగ్రత్తలు ఇవే (Safety Tips):
- హైడ్రేటెడ్ గా ఉండండి: దాహం వేయకపోయినా తరచుగా నీళ్లు, కొబ్బరి నీళ్లు, మజ్జిగ తాగుతూ ఉండాలి.
- ప్రయాణాలు వాయిదా: మధ్యాహ్నం 12 గంటల నుండి సాయంత్రం 4 గంటల వరకు అనవసర ప్రయాణాలను వాయిదా వేసుకోవడం ఉత్తమం.
- దుస్తులు: వదులుగా ఉండే కాటన్ దుస్తులను ధరించండి. బయటకు వెళ్లేటప్పుడు గొడుగు లేదా టోపీ తప్పనిసరిగా వాడాలి.
