పసిడి ప్రేమికులకు పండగే.. భారీగా పతనమైన బంగారం, వెండి ధరలు!

భారతీయ మహిళలకు బంగారం అంటే కేవలం అలంకరణ మాత్రమే కాదు, అదొక సెంటిమెంట్, ఆర్థిక భరోసా. ధరలు ఎంత పెరిగినా పసిడిపై మనవారి మక్కువ తగ్గదు. అయితే, గత కొన్ని రోజులుగా ఆకాశాన్ని తాకిన ధరలు ఇప్పుడు సామాన్యులకు ఊరటనిస్తున్నాయి. ముఖ్యంగా పెళ్లిళ్ల సీజన్ మొదలవుతున్న తరుణంలో ఈ తగ్గుదల కొనుగోలుదారులకు పెద్ద ఊరట. నేడు (ఫిబ్రవరి 14, శనివారం) మార్కెట్లో బంగారం, వెండి ధరలు భారీగా పతనమయ్యాయి.

ఒక్కరోజే భారీ కోత:

గడిచిన 24 గంటల్లోనే మార్కెట్లో అనూహ్య మార్పులు చోటుచేసుకున్నాయి. బంగారం ధరపై రూ. 2,000 కంటే ఎక్కువ తగ్గగా, వెండి ధర ఏకంగా రూ. 15,000 వరకు కుప్పకూలింది.

ప్రస్తుత ధరల వివరాలు:

24 క్యారెట్ల మేలిమి బంగారం (10 గ్రాములు): రూ. 1,55,770 (నిన్నటి కంటే 1.5% తగ్గింది).
22 క్యారెట్ల ఆభరణాల బంగారం (10 గ్రాములు): రూ. 1,42,790.
కిలో వెండి ధర: రూ. 2,79,900.

ధరలు తగ్గడానికి ప్రధాన కారణాలు:

అంతర్జాతీయ మార్కెట్ ప్రభావం పసిడిపై స్పష్టంగా కనిపిస్తోంది. అమెరికా ఫెడరల్ రిజర్వ్ వడ్డీ రేట్లపై తీసుకున్న నిర్ణయాలు, గ్లోబల్ మార్కెట్‌లో డాలర్ బలోపేతం కావడం వల్ల బంగారం ధరలు కిందికి దిగివచ్చాయి. ఇక వెండి విషయానికి వస్తే.. పారిశ్రామికంగా డిమాండ్ తగ్గడం, ఇన్వెస్టర్లు లాభాల స్వీకరణకు (Profit Booking) మొగ్గు చూపడం వల్ల ధరలు భారీగా తగ్గాయి. వెండి వస్తువులు కొనాలనుకునే వారికి ఇది సరైన సమయం.

నగరాల వారీగా పసిడి ధరలు (10 గ్రాములకు):

హైదరాబాద్, విజయవాడ, ముంబై: 24 క్యారెట్లు రూ. 1,55,770;
22 క్యారెట్లు రూ. 1,42,790.
ఢిల్లీ: 24 క్యారెట్లు రూ. 1,55,920;
22 క్యారెట్లు రూ. 1,42,940.
చెన్నై: ఇక్కడ ధరలు కాస్త ఎక్కువగా ఉన్నాయి. 24 క్యారెట్లు రూ. 1,57,080 వద్ద కొనసాగుతోంది.