ట్రైలర్ కూడా రాకముందే మిలియన్ డాలర్లు – ‘పెద్ది’కి ఇంత క్రేజ్ ఎందుకు?

రామ్ చరణ్ ‘పెద్ది’ ఓవర్సీస్ బుకింగ్స్ రికార్డులు – 30 నిమిషాల్లో 50 వేల డాలర్లు, 24 గంటల్లో ఆల్ టైమ్ హిస్టరీ

ట్రైలర్ లేదు. పూర్తిస్థాయి ప్రమోషన్ లేదు. అయినా బుకింగ్స్ తెరిచిన 30 నిమిషాల్లోనే 50 వేల డాలర్లు వసూలు అయిపోయాయి. నాలుగు గంటల్లో లక్ష డాలర్లు దాటింది. 24 గంటల్లో ఆల్ టైమ్ రికార్డులు తిరగరాశారు. ఇది రామ్ చరణ్ ‘పెద్ది’ నార్త్ అమెరికాలో సృష్టిస్తున్న సునామీ.

పవన్ కళ్యాణ్ ‘ఓజీ’, ఎన్టీఆర్ ‘దేవర’, ప్రభాస్ ‘సలార్’ – ఈ మూడు సినిమాలు నెలకొల్పిన నార్త్ అమెరికా ప్రారంభ రికార్డులు ఇప్పుడు ‘పెద్ది’ ముందు నిలవలేకపోయాయి. ఒక గ్రామీణ స్పోర్ట్స్ డ్రామా ఈ స్థాయి హైప్ సృష్టించడం ట్రేడ్ పండితులు కూడా ఊహించని పరిణామం. అమెరికాలో ప్రత్యాంగిర సినిమాస్ పంపిణీ బాధ్యత చేపట్టింది. 950కి పైగా షోలు ప్లాన్ చేయడం ఒక్కటే అర్థం చేసుకోవడానికి చాలు – ఈ సినిమాపై నమ్మకం ఎంత పెద్ద స్థాయిలో ఉందో.

‘పెద్ది’ సినిమా వెనక దర్శకుడు బుచ్చిబాబు సానా ఉన్నారు. ‘ఉప్పెన’ చిత్రంతో భావోద్వేగాల దర్శకుడిగా పేరు తెచ్చుకున్న ఆయన, ఈసారి చరణ్‌ను పవర్‌ఫుల్ స్పోర్ట్స్ మ్యాన్‌గా మలిచారు. బలమైన గ్రామీణ నేపధ్యం ఎంచుకున్నారు. విడుదలైన పోస్టర్లు, గ్లింప్స్‌లో చరణ్ రగ్గడ్ లుక్ చూసిన వారికి ‘రంగస్థలం’ నాటి చిట్టిబాబు కాలం మళ్ళీ గుర్తుకొస్తోంది. సినీ వర్గాలు కూడా ఇది కేవలం స్పోర్ట్స్ డ్రామా కాదు, మట్టివాసన కూడిన మాస్ ఎంటర్టైనర్ అవుతుందని అంచనా వేస్తున్నాయి.

ఆస్కార్ విజేత ఏఆర్ రెహమాన్ సంగీతం ఈ సినిమాకు మరొక బలంగా నిలుస్తోంది. ఇప్పటికే విడుదలైన రెండు పాటలు సోషల్ మీడియాలో వైరల్ అయ్యాయి. బాలీవుడ్ నటి జాన్వీ కపూర్ కథానాయికగా నటించడం పాన్ ఇండియా ఆడియన్స్‌లో మరింత ఆసక్తి పెంచింది. వృద్ధి సినిమాస్, మైత్రీ మూవీ మేకర్స్ సంయుక్తంగా నిర్మించిన ఈ చిత్రంలో విజువల్స్ పరంగా ఎక్కడా కాంప్రమైజ్ లేదని సమాచారం.

Also Read :Ram charan: రాయల్ లుక్.. ఎస్క్వైర్ మ్యాగజైన్ ఫోటో షూట్‌లో రామ్ చరణ్ విజువల్స్.

అమెరికా ప్రేక్షకుల దృష్టిలో ఈ బుకింగ్స్ రికార్డులు అంత surprising గా లేవు. ఆర్ఆర్ఆర్ తర్వాత రామ్ చరణ్ పేరు ప్రపంచ స్థాయిలో మార్మోగింది. అమెరికాలోని తెలుగు కమ్యూనిటీ చరణ్ కొత్త మాస్ మేకోవర్ చూసేందుకు ఎదురుచూస్తోందని బుకింగ్స్ అంకెలే చెప్తున్నాయి. అమెరికాతోపాటు ఆస్ట్రేలియా, సింగపూర్, శ్రీలంక వంటి దేశాల్లో కూడా బుకింగ్స్ తెరవగానే హౌస్‌ఫుల్ బోర్డులు పడుతున్నాయి.

‘పెద్ది’తో మెగా, నందమూరి అభిమానులకు డబుల్ ట్రీట్ కూడా వస్తోంది. జూనియర్ ఎన్టీఆర్, ప్రశాంత్ నీల్ కాంబినేషన్‌లో వస్తున్న ‘డ్రాగన్’ గ్లింప్స్‌ను ‘పెద్ది’ థియేటర్లలో ప్రదర్శించనున్నారు. ఎన్టీఆర్ పుట్టినరోజు కానుకగా ఈ నెల 20న వచ్చే డ్రాగన్ టీజర్ చరణ్ సినిమాతో కలిసి ఒకే థియేటర్‌లో కనిపించడం ఫ్యాన్స్ ఎంతో ఎదురుచూస్తున్న మూమెంట్.

ప్రీమియర్ షోల నాటికే మిలియన్ డాలర్ల క్లబ్‌లో ‘పెద్ది’ చేరడం దాదాపు ఖాయంగా కనిపిస్తోంది. ఓవర్సీస్ పంపిణీదారులు ఈ జోరు చూసి ఆశ్చర్యపోతున్నారు. ఒక విలేజ్ స్పోర్ట్స్ డ్రామా ప్రపంచ వ్యాప్తంగా ఇన్ని సంచలనాలు సృష్టించడం ఇప్పుడు వరల్డ్‌వైడ్ ఫిలిం సర్కిల్స్‌లో చర్చనీయాంశంగా మారింది. చరణ్ గ్లోబల్ ఇమేజ్ ఈ రికార్డుల వెనక ప్రధాన కారణమని ట్రేడ్ వర్గాలు చెబుతున్నాయి.

Also Read : ‘పెద్ది’ విడుదలపై రామ్ చరణ్ సంచలన క్లారిటీ: నిహారిక ‘రాకాస’ టీమ్‌తో మెగా పవర్ స్టార్ ముచ్చట్లు!

జూన్ 4న ‘పెద్ది’ పాన్ ఇండియా స్థాయిలో థియేటర్లలోకి వస్తోంది. బుకింగ్స్‌లో వచ్చిన రికార్డులు సినిమా అసలు పర్ఫార్మెన్స్‌కు సంకేతాలు మాత్రమే. ప్రేక్షకుడు థియేటర్‌లో కూర్చున్నాక ‘పెద్ది’ అందించే అనుభవం ఆ అంచనాలను నిలబెడుతుందా అన్నది జూన్ 4 తర్వాతే తెలుస్తుంది.

Also Read : రామ్ చ‌ర‌ణ్ బర్త్‌డే బ్లాస్ట్ .. ‘పెద్ది పహిల్వాన్’గా మెగా ప‌వ‌ర్ స్టార్ మాస్ విస్ఫోటనం