హైదరాబాద్: వేసవి తీవ్రత పెరుగుతున్న నేపథ్యంలో హైదరాబాద్ నగరంలో తాగునీటి డిమాండ్ గణనీయంగా పెరిగింది. ఈ క్రమంలో నీటి వృధాను అరికట్టాలని మరియు ట్యాంకర్ల సరఫరాను వేగవంతం చేయాలని జలమండలి ఎండీ అశోక్ రెడ్డి అధికారులను ఆదేశించారు. ఆదివారం జలమండలి ఉన్నతాధికారులతో నిర్వహించిన జూమ్ మీటింగ్లో ఆయన వేసవి కార్యాచరణపై కీలక సమీక్ష నిర్వహించారు.
ప్రతి ఇంటికి ‘20 శాతం’ పొదుపు లక్ష్యం:
నగర పౌరులు తమ రోజువారీ అవసరాల్లో కనీసం 20 శాతం నీటిని ఆదా చేయాలని ఎండీ సూచించారు. “నీరు అమూల్యమైన వనరు. ప్రతి చుక్కను జాగ్రత్తగా వాడుకుంటేనే భవిష్యత్ తరాలకు నీటి భద్రత కల్పించగలం” అని ఆయన పేర్కొన్నారు.
నీటి పొదుపు కోసం పౌరులకు సూచనలు:
వాహనాల శుభ్రత: తాగునీటితో వాహనాలను కడగడం, ఇళ్ల పరిసరాలను శుభ్రం చేయడం వంటివి మానుకోవాలి.
స్నానం & బ్రషింగ్: షవర్ వాడకాన్ని తగ్గించి బకెట్ నీటిని వాడాలి. బ్రష్ చేసే సమయంలో నల్లాను నిరంతరం తెరిచి ఉంచకూడదు.
లీకేజీల నివారణ: ఇంట్లో లీకేజీ ఉన్న పైపులు, ట్యాపులను వెంటనే మరమ్మతులు చేయించుకోవాలి.
అవసరానికి మించి నిల్వ: నీటిని అనవసరంగా నిల్వ చేసి, పాత నీటిని వృధాగా పారబోయకూడదు.
ట్యాంకర్ డెలివరీపై ప్రత్యేక దృష్టి:
పెరిగిన బుకింగ్స్: బంజారాహిల్స్, మణికొండ, హఫీజ్పేట్, నేతాజీ పార్క్ వంటి ప్రాంతాల్లో గత ఏడాది కంటే ట్యాంకర్ బుకింగ్స్ పెరిగాయని ఎండీ వెల్లడించారు.
12 గంటల్లోపే డెలివరీ: బుక్ చేసిన 12 గంటల్లోపే ట్యాంకర్ అందించేలా అధికారులు కృషి చేయాలన్నారు.
నైట్ షిఫ్ట్ అలవెన్స్: రాత్రి వేళల్లో ట్యాంకర్ల సరఫరాను పెంచాలని, రాత్రిపూట పనిచేసే సిబ్బందికి ప్రత్యేక అలవెన్సులు అందించాలని ఆదేశించారు.
కమర్షియల్ సరఫరా: కమర్షియల్ వినియోగదారులకు రాత్రి సమయాల్లో ట్యాంకర్లను పంపేలా ఏర్పాట్లు చేయాలన్నారు.
Also Read :ఇన్స్టాలో అర్ధనగ్న ప్రదర్శన.. యాంకర్ విష్ణు ప్రియపై పోలీస్ స్టేషన్లో ఫిర్యాదు
US Iran Peace Talks Failure: అమెరికా–ఇరాన్ శాంతి చర్చలు విఫలం.. పాకిస్థాన్ వేదికగా 21 గంటల చర్చలు జరిపిన నో రిజల్ట్..!
హైదరాబాద్లో ఘోరం: యువతికి ఎయిడ్స్ రక్తం ఎక్కించి చంపిన ఉన్మాది
