దావోస్ వేదికపై తెలంగాణ రైజింగ్.. సీఎం రేవంత్ రెడ్డి, మెగాస్టార్ చిరంజీవి ఒకే ఫ్రేములో

Telangana Davos Visit

స్విట్జర్లాండ్‌లోని దావోస్‌లో జరుగుతున్న ప్రపంచ ఆర్థిక సదస్సు లో తెలంగాణ ముఖ్యమంత్రి రేవంత్ రెడ్డి నేతృత్వంలోని ప్రతినిధుల బృందం చురుకుగా పాల్గొంటోంది. ఈ కీలక పర్యటనలో రాష్ట్రానికి భారీ పెట్టుబడులు ఆకర్షించడమే కాకుండా, తెలంగాణ భవిష్యత్ అభివృద్ధి దిశను ప్రపంచానికి చాటిచెప్పే ప్రయత్నం జరుగుతోంది. ఈ సదస్సుకు ముఖ్యమంత్రి ఆహ్వానంతో మెగాస్టార్ చిరంజీవి హాజరుకావడం ప్రత్యేక ఆకర్షణగా నిలిచింది.రాజకీయ, పారిశ్రామిక, సినీ రంగాల ప్రముఖులు ఒకే వేదికపై కనిపించడం దావోస్‌లో తెలంగాణ పర్యటనకు మరింత ప్రాధాన్యం తెచ్చిపెట్టింది.

వరల్డ్ ఎకనమిక్ ఫోరం వేదికగా తెలంగాణ తన ఆర్థిక, పారిశ్రామిక బలాన్ని ప్రదర్శిస్తోంది. సీఎం రేవంత్ రెడ్డి నేతృత్వంలోని బృందం దావోస్‌లో పలువురు గ్లోబల్ బిజినెస్ లీడర్లు, పాలసీ మేకర్లతో భేటీ అవుతూ కీలక ఒప్పందాలు కుదుర్చుకుంటోంది. ఈ సందర్భంగా రాష్ట్ర దీర్ఘకాలిక అభివృద్ధి లక్ష్యాలను ప్రతిబింబించే ‘తెలంగాణ రైజింగ్ 2047’ విజన్ డాక్యుమెంట్ను ప్రపంచానికి పరిచయం చేశారు.

మెగాస్టార్ చిరంజీవి ప్రత్యేక ఆకర్షణ

• జ్యూరిచ్ పర్యటనలో ఉన్న చిరంజీవిని ముఖ్యమంత్రి రేవంత్ రెడ్డి ప్రత్యేకంగా ఆహ్వానించడంతో ఆయన దావోస్ సదస్సుకు హాజరయ్యారు.
• తెలంగాణ రైజింగ్ 2047 విజన్ డాక్యుమెంట్ ఆవిష్కరణ కార్యక్రమాన్ని చిరంజీవి ప్రత్యక్షంగా వీక్షించారు
• రాష్ట్ర అభివృద్ధి కార్యక్రమాలకు తన పూర్తి మద్దతు ప్రకటించారు
• సీఎం రేవంత్ రెడ్డితో కలిసి అంతర్జాతీయ పారిశ్రామికవేత్తలతో ముచ్చటించారు
• సినీ రంగానికి చెందిన ప్రముఖుడు ఈ విధంగా రాష్ట్ర అభివృద్ధి కార్యక్రమాల్లో భాగస్వామ్యం కావడం విశేషంగా నిలిచింది.

సినిమా అద్భుతం:

• మ‌న శంక‌ర వ‌ర‌ప్ర‌సాద్ గారు చిత్రాన్ని వీక్షించిన రేవంత్ రెడ్డి
• మూవీని ఆస్వాదించానంటూ కామెంట్
• ధ‌న్య‌వాదాలు తెలియ‌జేసిన చిరంజీవి
• లోరియల్ సీఈవోతో సీఎం రేవంత్ భేటీ :
• దావోస్ పర్యటనలో తెలంగాణకు మరో కీలక విజయం దక్కింది.
• ప్రపంచ ప్రఖ్యాత సౌందర్య సాధనాల సంస్థ లోరియల్
• హైదరాబాద్‌లో తన తొలి బ్యూటీ టెక్ గ్లోబల్ కేపబిలిటీ సెంటర్ (GCC) ఏర్పాటు చేయనున్నట్లు ప్రకటన
• సీఎంతో లోరియల్ సీఈవో భేటీ అనంతరం ఈ నిర్ణయం
• ఈ ఏడాది నవంబర్‌లో కార్యకలాపాలు ప్రారంభం
• దీంతో హైదరాబాద్ అంతర్జాతీయ బ్యూటీ టెక్ హబ్‌గా ఎదిగే అవకాశాలు మరింత పెరిగాయి.

తెలంగాణ రైజింగ్ 2047 – కీలక లక్ష్యాలు:

• దావోస్ వేదికపై సీఎం రేవంత్ రెడ్డి తెలంగాణ రైజింగ్ విజన్‌ను వివరించారు.
• 2047 నాటికి తెలంగాణను 3 ట్రిలియన్ డాలర్ల ఆర్థిక వ్యవస్థగా తీర్చిదిద్దడం
• Core, Pure, Rare, Growth జోన్లుగా అభివృద్ధి ప్రణాళిక
• తెలంగాణ రైజింగ్ గ్లోబల్ సమ్మిట్ ద్వారా ఇప్పటికే రూ. 5.75 లక్షల కోట్ల పెట్టుబడులు ఆకర్షణ
• అలాగే హైదరాబాద్ మెట్రో విస్తరణ, మూసీ నది పునరుజ్జీవనం, చెరువుల పునరుద్ధరణ వంటి కీలక ప్రాజెక్టులను గ్లోబల్ లీడర్లకు వివరించారు.

రాజకీయ, సినీ రంగ ప్రముఖులు ఒకే వేదికపై కలిసి తెలంగాణ అభివృద్ధి కోసం కృషి చేయడం సానుకూల సంకేతంగా మారింది. ముఖ్యంగా మెగాస్టార్ చిరంజీవి భాగస్వామ్యం ఈ పర్యటనకు మరింత ప్రాధాన్యం తీసుకొచ్చింది.