విశాఖ తీరంలో అరుదైన అద్భుతం: రుషికొండ సమీపంలో వేల్ షార్క్ దర్శనం

విశాఖపట్నం సముద్ర తీరంలో అరుదైన దృశ్యం ఆవిష్కృతమైంది. రుషికొండ సమీపంలో స్కూబా డైవింగ్ చేస్తున్న బృందానికి ప్రపంచంలోనే అతిపెద్ద చేప జాతిగా గుర్తింపు పొందిన భారీ వేల్ షార్క్ కనువిందు చేసింది. సముద్రంలో ప్రశాంతంగా ఈదుతూ డైవర్లకు అతి సమీపంలోకి రావడంతో, వారు ఆ అపూర్వ క్షణాలను కెమెరాలో బంధించారు. చాలా కాలం తర్వాత రుషికొండ తీరంలో ఈ తరహా జీవిని ప్రత్యక్షంగా చూడటంతో డైవర్లు ఆనందం వ్యక్తం చేశారు.

😍😍😍😍

రుషికొండ సముద్రంలో అబ్బురుపరిచే దృశ్యం..

స్కూబా డైవింగ్ చేస్తుండగా ప్రత్యక్షమైన భారీ తిమింగలం

డైవింగ్ చేస్తూ వీడియో చిత్రకరించిన డైవర్స్

VC : @Telugufeedsite pic.twitter.com/c92Z5c9wPs

ఇవి కూడా చదవండి

• 
  నాగబాబుకు కేబినెట్ హోదా.. ఏపీ ప్రభుత్వం కీలక ఉత్తర్వులు
• 
  ఏపీలో మున్సిపల్ ఎన్నికలకు భారీ మార్పులు?
• 
  డ్వాక్రా మహిళలకు గుడ్‌న్యూస్.. 8 మంది ఉంటే రుణానికి అవకాశం?

— SnarcissistØ 🚩 (@SnarcissistO) January 22, 2026

రుషికొండ తీరానికి సుమారు 2 కిలోమీటర్ల దూరంలో, దాదాపు 45 అడుగుల లోతులో నలుగురు స్కూబా డైవర్లు అన్వేషణ సాగిస్తుండగా ఈ భారీ వేల్ షార్క్ దర్శనమిచ్చింది. సుమారు 12 నుంచి 20 మీటర్ల పొడవున్న ఈ మహాకాయ జీవి డైవర్ల పక్కనే కొన్ని నిమిషాల పాటు ఈదుతూ ఎలాంటి ఆందోళన చూపకుండా ప్రశాంతంగా కదలాడింది. డైవ్ అడ్డా స్కూబా డైవింగ్ శిక్షకుడు వైశాఖ్ శివరాజన్ మాట్లాడుతూ, “విశాఖ తీరంలో స్కూబా డైవర్లు ఇంత దగ్గరగా వేల్ షార్క్‌ను చూడటం ఇదే మొదటిసారి. దాన్ని సుమారు ఐదు నిమిషాల పాటు గమనించాం. ఆ తర్వాత అది నెమ్మదిగా లోతైన సముద్రంలోకి వెళ్లిపోయింది” అని తెలిపారు.

అరుదైన అవ‌కాశం:

రుషికొండ సమీపంలో అరుదుగా కనిపించే వేల్ షార్క్ దర్శనం

ప్రపంచంలోనే అతిపెద్ద చేప జాతిగా వేల్ షార్క్‌కు గుర్తింపు

45 అడుగుల లోతులో స్కూబా డైవింగ్ చేస్తున్న బృందానికి అతి సమీపంలోకి వచ్చిన మహాకాయ జీవి

డైవర్లు ఐదు నిమిషాల పాటు వీక్షించి వీడియో రికార్డ్

IUCN ప్రకారం వేల్ షార్క్ అంతరించిపోతున్న జాతుల జాబితాలో ఉంది

గతంలో విశాఖ తీరానికి తిమింగలాలు కొట్టుకువచ్చిన ఘటనలు ఉన్నా, సముద్రంలో సజీవంగా దర్శనమివ్వడం అత్యంత అరుదు. గత నెలలో యారాడ బీచ్‌లో ఓ భారీ తిమింగలం ఒడ్డుకు కొట్టుకురాగా, మత్స్యకారులు కాపాడేందుకు ప్రయత్నించినా అది ప్రాణాలు విడిచిన సంగతి తెలిసిందే.