భారతీయులకు బంగారం కేవలం ఒక ఆభరణం మాత్రమే కాదు, అది ఒక సంప్రదాయం, సురక్షితమైన పెట్టుబడి మార్గం. అందుకే ధరల్లో చిన్న మార్పు వచ్చినా అది సామాన్యులపై ప్రభావం చూపుతుంది. ప్రస్తుతం దేశీయంగా ధరలు నిలకడగా ఉన్నప్పటికీ, అంతర్జాతీయ మార్కెట్లో కనిపిస్తున్న కదలికలు త్వరలో ధరలు పెరిగే సూచనలు కనిపిస్తున్నాయి.
హైదరాబాద్లో ప్రస్తుత ధరలు (ఫిబ్రవరి 19 నాటికి):
- గత కొన్ని రోజులుగా తగ్గుతూ వచ్చిన పసిడి ధరలు ప్రస్తుతం స్థిరంగా కొనసాగుతున్నాయి.
- 22 క్యారెట్ల బంగారం: తులం (10 గ్రాములు) ధర రూ. 1,41,350 వద్ద ఉంది.
- 24 క్యారెట్ల బంగారం: తులం ధర రూ. 1,54,200 గా నమోదైంది.
వెండి ధర:
భారీగా తగ్గుతూ వస్తున్న వెండి, ప్రస్తుతం కేజీ రూ. 2.60 లక్షల వద్ద కొనసాగుతోంది. గత 10 రోజుల్లో వెండి ధర ఎక్కడా పెరగకపోవడం గమనార్హం.
Also Read: ఫ్రీ బస్కు స్మార్ట్ కార్డులపై రూ.75 కోట్లు… ఒక్కో కార్డు రూ.1500 ఖర్చా? తెలంగాణలో చర్చ
అంతర్జాతీయ మార్కెట్ ప్రభావం: అంతర్జాతీయంగా స్పాట్ గోల్డ్ ధర ఔన్సుకు 4,850 డాలర్ల నుండి 4,950 డాలర్లకు పెరిగింది. అలాగే వెండి కూడా 72 డాలర్ల నుండి 77 డాలర్లకు చేరింది. ఈ పెరుగుదల ప్రభావం త్వరలోనే మన దేశీయ మార్కెట్పై పడే అవకాశం ఉంది.
ఆర్బీఐ వ్యూహం: డాలర్పై ఆధారపడటాన్ని తగ్గించుకోవడానికి రిజర్వ్ బ్యాంక్ ఆఫ్ ఇండియా (RBI) కూడా తన వద్ద ఉన్న బంగారు నిల్వలను పెంచుకుంటోంది. ప్రస్తుతం ప్రపంచంలోనే అత్యధిక బంగారం నిల్వలు ఉన్న దేశాల్లో భారత్ 7వ స్థానంలో ఉంది.
అంతర్జాతీయ మార్కెట్ ఒడిదుడుకుల దృష్ట్యా, ఫిబ్రవరి 19 ఉదయం 10 గంటల తర్వాత ధరలు మళ్లీ పెరిగే ఛాన్స్ ఉంది. కాబట్టి కొనుగోలు చేసే ముందు లైవ్ రేట్లను తనిఖీ చేయడం ఉత్తమం.
