Hyderabad IPL Traffic Incident నేపథ్యంలో హైదరాబాద్లో విషాదకర ఘటన చోటుచేసుకుంది. ఉప్పల్ స్టేడియంలో సన్రైజర్స్ హైదరాబాద్, లక్నో సూపర్ జెయింట్స్ జట్ల మధ్య జరిగిన మ్యాచ్ సందర్భంగా భారీ ట్రాఫిక్ ఏర్పడగా, ఆ ట్రాఫిక్లో చిక్కుకున్న అంబులెన్స్ కారణంగా ఓ బాలింత ప్రాణాలు కోల్పోయింది.
నేపాల్కు చెందిన సురేశ్ బిష్ణ (30) కుటుంబం ఉపాధి కోసం హైదరాబాద్కు వచ్చి ఘట్కేసర్ ప్రాంతంలో నివాసం ఉంటోంది. ఆమెకు ముగ్గురు పిల్లలు ఉన్నారు—సాగర్ (6), సందీప్ (4), అలాగే కేవలం 26 రోజుల పసికందు. బిష్ణ స్థానికంగా ఓ బట్టల దుకాణంలో పని చేస్తూ కుటుంబాన్ని పోషిస్తోంది.
భారీ ట్రాఫిక్ జామ్..
ఆదివారం సాయంత్రం ఆమె అకస్మాత్తుగా అనారోగ్యానికి గురైంది. హార్ట్స్ట్రోక్ రావడంతో సమీపంలోని ప్రైవేట్ ఆస్పత్రికి తరలించారు. అక్కడి వైద్యులు పరిస్థితి విషమంగా ఉండటంతో వెంటనే నిమ్స్ ఆస్పత్రికు తీసుకెళ్లాలని సూచించారు. దీంతో అంబులెన్స్లో ఆమెను తరలించే ప్రయత్నం చేశారు.
Also Read: పనామా బ్రిడ్జ్పై భారీ పేలుడు … కెనాల్ రవాణాపై ప్రభావం, ఆందోళన చెందుతున్న అమెరికా
అయితే అదే సమయంలో ఉప్పల్ స్టేడియంలో ఐపీఎల్ మ్యాచ్ జరుగుతుండటంతో పరిసర ప్రాంతాల్లో భారీగా ట్రాఫిక్ జామ్ ఏర్పడింది. దాదాపు గంటన్నర పాటు అంబులెన్స్ ట్రాఫిక్లో ఇరుక్కుపోయింది. ఈ ఆలస్యం ఆమె ప్రాణాలకు ప్రాణాంతకంగా మారింది.
స్పందించని పోలీసులు..
ఇక అంబులెన్స్లో అత్యవసరంగా అవసరమైన ఆక్సిజన్ కూడా పూర్తవడంతో, బిష్ణకు శ్వాస అందక అంబులెన్సులోనే మృతి చెందింది. సమయానికి ఆస్పత్రికి చేరుకుంటే ఆమె ప్రాణాలు కాపాడే అవకాశముండేదని వైద్యులు అభిప్రాయపడుతున్నారు.
ఈ ఘటనపై అంబులెన్స్ డ్రైవర్, మృతురాలి బంధువులు తీవ్ర ఆవేదన వ్యక్తం చేస్తున్నారు. ట్రాఫిక్లో ఇరుక్కుపోయిన సమయంలో అక్కడ విధుల్లో ఉన్న పోలీసులు స్పందించలేదని ఆరోపించారు. భారీ ఈవెంట్స్ సమయంలో ఎమర్జెన్సీ వాహనాలకు ప్రత్యేక మార్గాలు కల్పించాల్సిన అవసరం ఉందని వారు డిమాండ్ చేస్తున్నారు.
ఈ విషాద ఘటనతో ముగ్గురు చిన్నారులు తల్లిలేని వారిగా మిగిలిపోవడం అందరినీ కలచివేస్తోంది. పెద్ద ఈవెంట్స్ నిర్వహణలో ట్రాఫిక్ నియంత్రణ, అత్యవసర సేవలకు ప్రాధాన్యత ఎంత ముఖ్యమో ఈ ఘటన మరోసారి గుర్తు చేసింది.
