పెరిగిన ముడిసరుకుల ఖర్చులు: కార్ల ధరలను పెంచక తప్పలేదన్న ఆటోమొబైల్ దిగ్గజాలు

మహీంద్రా ఎస్‌యూవీ (SUV) కార్లను కొనుగోలు చేయాలనుకునే వారికి బ్యాడ్ న్యూస్. ప్రముఖ ఆటోమేకర్ మహీంద్రా & మహీంద్రా బుధవారం నాడు ఒక ప్రకటనలో తమ వాహనాల ధరలను పెంచుతున్నట్లు అధికారికంగా వెల్లడించింది. ఈ పెరిగిన ధరలు జూలై 10, 2026 నుండి అమల్లోకి రానున్నాయి. 2026వ సంవత్సరంలో మహీంద్రా సంస్థ ధరలను సవరించడం ఇది రెండోసారి కావడం గమనార్హం.

కొత్త నిర్ణయం ప్రకారం, మహీంద్రా ఎస్‌యూవీల (SUVs) పై సగటున 2.7 శాతం వరకు ధరలు పెరగనున్నాయి. అలాగే కమర్షియల్ వాహనాల (Commercial Vehicles) శ్రేణిపై సగటున 2 శాతం మేర ధరల పెంపు ఉంటుంది. ఈ ధరల పెంపు కేవలం సాధారణ ఇంధన (ICE) కార్లకే పరిమితం కాకుండా, సంస్థకు చెందిన ఎలక్ట్రిక్ వాహనాల (EV) పోర్ట్‌ఫోలియోకు కూడా వర్తిస్తుందని మహీంద్రా స్పష్టం చేసింది. మోడల్ మరియు వేరియంట్‌ను బట్టి ఈ ధరల పెంపులో మార్పులు ఉంటాయని సంస్థ తెలిపింది.

ధరల పెంపునకు గల కారణాలు

వాహనాల తయారీకి అవసరమయ్యే ముడిసరుకుల వ్యయం (Commodity cost escalations) భారీగా పెరగడమే ఈ ధరల పెంపునకు ప్రధాన కారణమని మహీంద్రా & మహీంద్రా తన ప్రకటనలో పేర్కొంది.

ఇంతకుముందు, ఏప్రిల్ 6, 2026 నుండి అమల్లోకి వచ్చేలా మహీంద్రా తన ఐసీఈ ఎస్‌యూవీ, కమర్షియల్ వాహనాలపై సగటున 1.6% (గరిష్టంగా 2.5% వరకు) ధరలను పెంచింది. అప్పట్లో కూడా వ్యయాల పెరుగుదల కారణంగానే ధరలను సవరించాల్సి వచ్చిందని సంస్థ గుర్తు చేసింది.

రేస్ లో ఉన్న ఇతర ఆటోమొబైల్ సంస్థలు

కేవలం మహీంద్రా మాత్రమే కాకుండా, జూలై నెల ప్రారంభం నుండి భారతదేశంలోని పలు ప్రముఖ కార్ల తయారీ సంస్థలు కూడా తమ వాహనాల ధరలను సవరించాయి. ఆ వివరాలు ఇలా ఉన్నాయి:

పెరుగుతున్న ఇన్‌పుట్ ఖర్చుల రీత్యా దేశంలోనే అతిపెద్ద కార్ల తయారీ సంస్థ అయిన మారుతి సుజుకి జూన్ నెలలోనే ధరలను పెంచగా, తాజాగా మహీంద్రా కూడా అదే బాట పట్టింది.

Also read: Nalgonda : ఈఎంఐ వద్దు.. అప్పు వద్దు: 5 ఏళ్లుగా దాచిన ₹10 కాయిన్స్‌తో షోరూమ్‌కు వెళ్లిన రైతు