₹9.35 కోట్లు, 5 కిలోల బంగారం… Ashu Reddyపై కేసు నమోదు – అసలు కథ ఏంటి?

తెలుగు సినీ పరిశ్రమలో సంచలనం రేపుతున్న కేసు నమోదైంది. బిగ్ బాస్ ఫేమ్ తెలుగు నటి అషు రెడ్డిపై రూ.9.35 కోట్ల మోసం కేసు హైదరాబాద్ సెంట్రల్ క్రైమ్ స్టేషన్ (CCS)లో నమోదైంది. లండన్ నివాసి సాఫ్ట్‌వేర్ ఇంజనీర్ వై.వి.ధర్మేంద్ర తండ్రి వై.వి.సత్యనారాయణ ఈ కంప్లెయింట్ దాఖలు చేశారు.

2018లో ధర్మేంద్ర భారత్ పర్యటనలో అషు రెడ్డిని కలిశారు. తర్వాత పరిచయం పెరిగి పెళ్లి చేసుకుంటానని నమ్మించి రూ.9.35 కోట్లు విలువైన ఆస్తులు కాజేశారని ఆరోపణ. అర్క మానికొండలో రూ.3 కోట్ల విలువైన ఫ్లాట్, 5 కిలోల బంగారం, కార్లు, ఖరీదైన గిఫ్ట్లు తన పేరిట రాయించుకున్నారని కంప్లెయింట్‌లో పేర్కొన్నారు. అషు రెడ్డి చెల్లి కూడా రూ.50 లక్షలు తీసుకున్నారని ఆరోపణ.

అషు రెడ్డి స్పందన

కేసు నమోదైన వెంటనే అషు రెడ్డి ఇన్‌స్టాగ్రామ్ స్టోరీస్ ద్వారా స్పందించారు. “నా అనుమతి లేకుండా ఏ న్యూస్ లేదా తప్పుడు సమాచారం వ్యాప్తి చేసినా తీవ్రమైన చట్టపరమైన చర్యలు తీసుకుంటాను. గౌరవించండి” అని హెచ్చరించారు. ఆరోపణలు తప్పుడువని ఆమె వర్గాలు చెప్తున్నాయి. విచారణ కొనసాగుతోంది. ఇంకా అరెస్ట్ జరగలేదు.

సోషల్ మీడియాలో చర్చ

ఈ కేసు సోషల్ మీడియాలో విస్తృతంగా చర్చకు దారితీసింది. పెళ్లి హామీతో పెద్ద మొత్తంలో సొమ్ము ఇవ్వడం తెలివితక్కువతనమని కొందరు వ్యాఖ్యానించగా, మోసం నిజమైతే తీవ్రమైన చట్టపరమైన పరిణామాలు ఉంటాయని మరికొందరు పేర్కొంటున్నారు. కేసు వివరాలు మొత్తం న్యాయస్థానంలో తేలాల్సి ఉంది.

పోలీసులు కేసు నమోదు చేసి విచారణ చేపట్టారు. రెండు వైపుల వాదనలు వినడం, సాక్ష్యాలు సేకరించడం కొనసాగుతోంది. ఈ దశలో ఎటూ తీర్పు చెప్పడం సరికాదని న్యాయ నిపుణులు పేర్కొంటున్నారు.
Also Read : మణికొండలో తాగునీటి పైప్‌లైన్ పేలి కాలనీల్లో వరద .. అపార్ట్‌మెంట్ సెల్లార్లు జలమయం