మధ్యప్రాచ్యంలో యుద్ధ వాతావరణం మరింత ఉద్రిక్తంగా మారుతోంది. వ్యూహాత్మకంగా అత్యంత కీలకమైన హుర్ముజ్ జలసంధి సమీపంలో అమెరికాకు చెందిన యుద్ధ విమానాన్ని కూల్చివేసినట్లు ఇరాన్ సైన్యం ప్రకటించడంతో అంతర్జాతీయంగా కలకలం రేగింది.
ఏ-10 విమానం కూల్చివేశామని ఇరాన్ వాదన
US Iran Peace Talks Failure: అమెరికా–ఇరాన్ శాంతి చర్చలు విఫలం.. పాకిస్థాన్ వేదికగా 21 గంటల చర్చలు జరిపిన నో రిజల్ట్..!
ఇరాన్ యుద్ధానికి బ్రేక్: ట్రంప్ సంచలన ప్రకటన.. పాక్ విన్నపంతో 2 వారాల కాల్పుల విరమణ!
అమెరికా-ఇరాన్ ఉద్రిక్తతలు తీవ్రం: 10 షరతులతో టెహ్రాన్ ప్రతిపాదన, ట్రంప్ డెడ్లైన్తో టెన్షన్ పెరుగుదల
ఇరాన్ అధికార మీడియా, ముఖ్యంగా తస్నిమ్ న్యూస్ ఏజెన్సీ ప్రకారం… అమెరికాకు చెందిన A-10 థండర్ బోల్ట్ II యుద్ధ విమానాన్ని లక్ష్యంగా చేసుకుని కూల్చివేశామని పేర్కొన్నారు. ఈ ఘటన హుర్ముజ్ జలసంధి దక్షిణ భాగంలో చోటుచేసుకున్నట్లు సమాచారం. అయితే, ఈ ఆరోపణలను స్వతంత్ర వర్గాలు ఇప్పటివరకు ధ్రువీకరించలేదు. అమెరికా వైపు నుంచి కూడా ఈ అంశంపై స్పష్టమైన నిర్ధారణ రాలేదు.
ట్రంప్ స్పందన
ఈ పరిణామాలపై అమెరికా అధ్యక్షుడు డొనాల్డ్ ట్రంప్ స్పందిస్తూ… ఇలాంటి ఘటనలు ఇరాన్తో జరుగుతున్న చర్చలను ప్రభావితం చేయవని స్పష్టం చేశారు. ఇది యుద్ధ పరిస్థితి… ఇలాంటి సంఘటనలు జరుగుతూనే ఉంటాయి. చర్చలపై ఎలాంటి ప్రభావం ఉండదు అని ఆయన పేర్కొన్నట్లు అమెరికన్ మీడియా నివేదించింది. అయితే విమానం కూలిన తర్వాత జరుగుతున్న రక్షణ చర్యలపై ఆయన స్పందించేందుకు నిరాకరించారు.
మరో సంఘటనతో ఉద్రిక్తత పెరుగుదల
ఇదిలా ఉండగా మరో కీలక పరిణామం చోటుచేసుకుంది. అమెరికా వైమానిక దళానికి చెందిన F-15E Strike Eagle యుద్ధ విమానం ఇరాన్ భూభాగంలో కూలిపోయినట్లు అంతర్జాతీయ మీడియా తెలిపింది. ఈ ఘటనలో ఇద్దరు సిబ్బంది ఉన్నారని, వారిలో ఒకరిని సురక్షితంగా రక్షించి వైద్య చికిత్స అందిస్తున్నట్లు సమాచారం. మరొక సిబ్బంది కోసం గాలింపు కొనసాగుతోంది.
మొదటిసారి ఇరాన్లో అమెరికా విమానం కూలిందా?
ప్రస్తుతం కొనసాగుతున్న ఉద్రిక్త పరిస్థితుల్లో ఇరాన్ భూభాగంలో అమెరికా యుద్ధ విమానం కూలిపోవడం ఇదే తొలిసారి కావచ్చని నివేదికలు సూచిస్తున్నాయి. శిథిలాల ఆధారంగా ఆ విమానం బ్రిటన్లోని RAF Lakenheathలో ఉన్న 494వ ఫైటర్ స్క్వాడ్రన్కు చెందినదై ఉండొచ్చని విశ్లేషణలు చెబుతున్నాయి.
హుర్ముజ్ జలసంధి ప్రపంచ చమురు రవాణాలో కీలక మార్గం కావడంతో… ఈ ప్రాంతంలో జరుగుతున్న ప్రతి సంఘటన గ్లోబల్ మార్కెట్లపై ప్రభావం చూపే అవకాశం ఉంది. ఇప్పటికే ఈ పరిణామాలను ప్రపంచ దేశాలు ఆందోళనతో గమనిస్తున్నాయి.
మొత్తానికి, ఇరాన్ – అమెరికా మధ్య ఉద్రిక్తతలు మరింత పెరుగుతున్న సంకేతాలు కనిపిస్తున్నాయి. ఏ-10 విమానం కూల్చివేశామన్న ఇరాన్ వాదన, ఎఫ్-15ఈ ఘటనలు పరిస్థితిని మరింత క్లిష్టంగా మార్చాయి. అయితే ఈ ఆరోపణలపై పూర్తి స్థాయి ధృవీకరణ రావాల్సి ఉంది. తదుపరి పరిణామాలు ఎలా ఉంటాయో అన్నది అంతర్జాతీయ వర్గాల్లో ఆసక్తిగా మారింది.
