తెలంగాణ, ఆంధ్రప్రదేశ్లోని Scheduled Tribes (ST) వర్గాలకు చెందిన స్టార్టప్ల కోసం T-Hub Foundation, కేంద్ర గిరిజన వ్యవహారాల మంత్రిత్వ శాఖ కలిసి ‘SprinT’ కార్యక్రమాన్ని ప్రారంభించాయి. ST ఆధ్వర్యంలోని స్టార్టప్లను గుర్తించి, వాటిని ఇంక్యుబేట్ చేసి పెట్టుబడులకు సిద్ధం చేయడం ఈ కార్యక్రమం ప్రధాన లక్ష్యంగా ఉంది.
SprinT ద్వారా ఎంపికైన అర్హత కలిగిన స్టార్టప్లకు వ్యాపార అభివృద్ధి, మెంటరింగ్, మార్కెట్ యాక్సెస్, ఇన్వెస్టర్ కనెక్షన్లతో పాటు VCF-ST కింద ఒక్కో స్టార్టప్కు గరిష్ఠంగా ₹30 లక్షల వరకు ఇంక్యుబేషన్ ఫండింగ్ అందించే అవకాశం ఉంది. అయితే ఫండింగ్ పూర్తిగా ప్రోగ్రెస్, ఆమోదాలకు లోబడి ఉంటుందని నిర్వాహకులు స్పష్టం చేశారు.
ఎవరు దరఖాస్తు చేసుకోవచ్చు?
- SprinT కార్యక్రమానికి కొన్ని ప్రధాన అర్హతలను నిర్వాహకులు పేర్కొన్నారు.
- ఫౌండర్ లేదా ఫౌండర్లు Scheduled Tribes (ST) కమ్యూనిటీకి చెందినవారై ఉండాలి.
- దీనికి సంబంధించిన చెల్లుబాటు అయ్యే ధ్రువపత్రాలు ఉండాలి.
- ST ఫౌండర్ల వద్ద కనీసం 51 శాతం యాజమాన్యం, మేనేజ్మెంట్ కంట్రోల్ ఉండాలి లేదా ఆ స్థాయికి చేరుకునే స్పష్టమైన నిబద్ధత ఉండాలి.
- టెక్నాలజీ లేదా నాన్-టెక్నాలజీ.. ఏ రంగానికి చెందిన స్టార్టప్ అయినా దరఖాస్తు చేసుకోవచ్చు.
- స్టార్టప్ తెలంగాణ లేదా ఆంధ్రప్రదేశ్లో ఉండాలి లేదా ఈ రెండు రాష్ట్రాల్లో చురుకుగా సేవలు అందిస్తూ ఉండాలి.
అక్టోబర్ 2026 నుంచి SprinT ప్రోగ్రామ్
SprinT కార్యక్రమం అక్టోబర్ 2026 నుంచి జూలై 2027 వరకు నాలుగు దశల్లో కొనసాగుతుంది. ప్రతి దశలో స్టార్టప్ల సంఖ్య తగ్గుతూ, ఎంపికైన వారికి మరింత లోతైన మద్దతు అందుతుంది.
స్టేజ్ 1: దరఖాస్తుల స్వీకరణ
అక్టోబర్ – డిసెంబర్ 2026 మధ్య అర్హత ఉన్న స్టార్టప్ల నుంచి దరఖాస్తులు స్వీకరిస్తారు. దరఖాస్తుల పరిశీలన అనంతరం టాప్ 100 స్టార్టప్లను ఎంపిక చేస్తారు.
స్టేజ్ 2: Pitch Sprint
జనవరి 2027లో టాప్ 100 స్టార్టప్లకు ఎంటర్ప్రెన్యూర్షిప్ బేసిక్స్, Digital Public Infrastructure (DPI), ప్రభుత్వ స్టార్టప్ ఎకోసిస్టమ్పై అవగాహన కల్పిస్తారు.
అలాగే బిజినెస్ మోడల్, ఫౌండర్ సామర్థ్యం, కంప్లయన్స్ అంశాలపై ప్రాథమిక అంచనా నిర్వహిస్తారు. సమస్యను ధృవీకరించడం, ప్రారంభ బిజినెస్ ప్లాన్ రూపొందించడం, పిచ్ సిద్ధం చేసుకోవడంలో సహాయం అందిస్తారు.
తర్వాత నిపుణుల జ్యూరీ ముందు పిచ్ చేసే అవకాశం ఉంటుంది. స్కోర్ ఆధారంగా టాప్ 50 స్టార్టప్లను ఎంపిక చేస్తారు.
స్టేజ్ 3: Idea to Prototype
ఫిబ్రవరి నుంచి ఏప్రిల్ 2027 వరకు టాప్ 50 స్టార్టప్లకు బిజినెస్ మోడల్ డెవలప్మెంట్, ఫైనాన్షియల్ లిటరసీ, ప్రొడక్ట్ డెవలప్మెంట్, బ్రాండింగ్, మార్కెట్ పొజిషనింగ్, లీగల్ స్ట్రక్చర్స్పై వర్క్షాపులు నిర్వహిస్తారు.
వన్-ఆన్-వన్ మెంటరింగ్, పీర్ లెర్నింగ్ కూడా ఉంటుంది. ఈ దశలో MVP లేదా మెరుగుపరిచిన ప్రొడక్ట్/సర్వీస్తో పాటు ప్రాథమిక రెవెన్యూ మోడల్ సిద్ధం చేయడం లక్ష్యంగా పెట్టుకున్నారు.
ఈ దశ చివర్లో Demo Day నిర్వహించి టాప్ 20 స్టార్టప్లను ఎంపిక చేస్తారు.
టాప్ 20కి VC రెడీనెస్, ఫండింగ్ అవకాశాలు
మే నుంచి జూలై 2027 వరకు టాప్ 20 స్టార్టప్లకు VC-readiness, ఇన్వెస్టర్ ఇంటరాక్షన్స్పై ప్రత్యేక మద్దతు అందిస్తారు.
కంపెనీ ఇన్కార్పొరేషన్ లేదా రీస్ట్రక్చరింగ్, షేర్హోల్డింగ్ను 51 శాతం ST కంట్రోల్కు అనుగుణంగా చేయడం వంటి అంశాల్లో సహాయం అందిస్తారు.
అలాగే GST, DPIIT, UPI వంటి డాక్యుమెంటేషన్, కంప్లయన్స్ అంశాల్లో హ్యాండ్హోల్డింగ్ ఉంటుంది. మార్కెట్ యాక్సెస్, పైలట్ సేల్స్, ఫండ్రైజింగ్ ఇన్స్ట్రుమెంట్స్పై అడ్వాన్స్డ్ సెషన్స్ నిర్వహిస్తారు.
₹30 లక్షల వరకు ఇంక్యుబేషన్ ఫండింగ్
SprinT కార్యక్రమంలో ఎంపికైన స్టార్టప్లకు VCF-ST కింద ఒక్కో స్టార్టప్కు ₹30 లక్షల వరకు ఇంక్యుబేషన్ ఫండింగ్ అందించే అవకాశం ఉంది.
అదనంగా VCF-ST, PM-JGF, Startup India, SIDBI, రాష్ట్ర ప్రభుత్వ పథకాలతో ప్రత్యక్ష అనుసంధానానికి అవకాశం కల్పిస్తారు.
అయితే దరఖాస్తు చేయడం లేదా కార్యక్రమంలో పాల్గొనడం ద్వారా ఎంపిక లేదా ఫండింగ్ హామీ ఉండదని T-Hub Foundation, Ministry of Tribal Affairs పేర్కొన్నాయి. ఫండింగ్ సంతృప్తికరమైన ప్రగతి, Ministry of Tribal Affairs/IFCI Venture మార్గదర్శకాలు, అవసరమైన ఆమోదాలకు లోబడి ఉంటుంది.
ST యువ పారిశ్రామికవేత్తలకు ఉపయోగకరమైన అవకాశం
తెలంగాణ, ఆంధ్రప్రదేశ్లో ST వర్గాలకు చెందిన స్టార్టప్ ఫౌండర్లకు తమ వ్యాపార ఆలోచనను అభివృద్ధి చేసుకోవడంతో పాటు ఇన్వెస్టర్లను కలిసే అవకాశం SprinT ద్వారా లభించనుంది. ప్రారంభ దశలో ఉన్న ఆలోచన నుంచి MVP, ఆ తర్వాత VC readiness వరకు నాలుగు దశల్లో మద్దతు అందించడమే ఈ కార్యక్రమ నిర్మాణం.
దరఖాస్తు చేయాలనుకునే అర్హత ఉన్న స్టార్టప్లు అధికారిక SprinT దరఖాస్తు ఫారమ్ ద్వారా వివరాలు సమర్పించవచ్చు.
Source : Apply Here
