ఇంటి గుమ్మానికి ఈ గుర్తులు ఉంటే.. అదృష్టం మీ తలుపు తట్టినట్లే!

Vastu Shastra

హైదరాబాద్: సొంత ఇల్లు అనేది ప్రతి ఒక్కరి కల. ఆ ఇల్లు అందంగా ఉండటంతో పాటు, వాస్తు ప్రకారం(Vastu Shastra) ఉంటేనే ఆ ఇంట్లో సుఖశాంతులు ఉంటాయని మన నమ్మకం. వాస్తు శాస్త్ర నియమాలను పాటించడం వల్ల ప్రతికూల శక్తి తొలగిపోయి, సానుకూల శక్తి వ్యాపిస్తుంది. దీనివల్ల ఆర్థిక ఇబ్బందులు తొలగి సక్సెస్ లభిస్తుంది. ముఖ్యంగా పంచభూతాలను బ్యాలెన్స్ చేయడానికి కొన్ని చిహ్నాలు అద్భుతంగా పని చేస్తాయి. మీ ఇంటి ప్రధాన ద్వారంపై ఈ క్రింది చిహ్నాలు ఉంటే అదృష్టం మిమ్మల్ని వెతుక్కుంటూ వస్తుంది.

అదృష్టాన్ని,సంపదను ఇచ్చే 8 వాస్తు చిహ్నాలు:
స్వస్తిక్: సానుకూల శక్తికి స్వస్తిక్ అతిపెద్ద చిహ్నం. ఇంటి ప్రధాన ద్వారంపై ఎరుపు లేదా పసుపు రంగుతో స్వస్తిక్ గుర్తును వేయడం వల్ల ప్రతికూల శక్తి ఇంటి లోపలికి రాదు. ఇది అదృష్టాన్ని తెచ్చిపెడుతుంది.

ఓంకారం: ఓంకారం ఒక దైవిక శక్తి. ప్రధాన ద్వారంపై లేదా పూజ గది తలుపులపై ఈ గుర్తును ఉంచడం వల్ల ప్రశాంతత లభిస్తుంది. మెడిటేషన్ (ధ్యానం) చేసే చోట కూడా ఈ గుర్తును ఉంచడం శుభప్రదం.

‘శ్రీ’ గుర్తు: ‘శ్రీ’ అంటే సాక్షాత్తు లక్ష్మీదేవి అని అర్థం. ఇంటి ముఖద్వారంపై లేదా నగదు దాచుకునే లాకర్ల మీద ఈ గుర్తును వేయడం వల్ల ఆర్థిక లాభాలు కలుగుతాయి. ఇది దారిద్ర్యాన్ని దూరం చేస్తుంది.

కమల పువ్వు: కమలం లక్ష్మీదేవికి అత్యంత ప్రీతికరమైనది. ఈ చిహ్నం ముఖద్వారంపై ఉంటే ఇంటికి శుభం కలుగుతుంది. ఇది విద్యార్థులకు, ఉద్యోగులకు మంచి శక్తిని, విజయాన్ని అందిస్తుంది.

చేప గుర్తు: వాస్తు ప్రకారం చేప అదృష్టానికి చిహ్నం. చాలామంది చేపల పెయింటింగ్స్ లేదా అక్వేరియంలను అందుకే ఇంట్లో ఉంచుకుంటారు. తలుపుపై చేప గుర్తు ఉండటం వల్ల సంపద వృద్ధి చెందుతుంది.

కలశం: హిందూ సంప్రదాయంలో కలశం అత్యంత పవిత్రమైనది. కొబ్బరికాయ, మామిడి ఆకులతో కూడిన కలశం గుర్తును తలుపుపై వేయడం వల్ల సానుకూల శక్తి ప్రవహిస్తుంది. పూజగది తలుపులకు ఇది మరింత శ్రేష్ఠం.

తాబేలు: వాస్తు దోషాలను తొలగించడానికి తాబేలు చిహ్నం బాగా పనిచేస్తుంది. ఇంట్లో క్రిస్టల్ లేదా మెటల్ తాబేలును ఉంచడం వల్ల సమస్యలు తొలగిపోయి ప్రశాంతత లభిస్తుంది.

శ్రీ యంత్రం: ఆర్థిక సమస్యలు, అప్పుల బాధల నుండి బయటపడాలంటే ఇంట్లో శ్రీ యంత్రాన్ని ఉంచాలి. దీనివల్ల లక్ష్మీ కటాక్షం కలిగి ఐశ్వర్యం ప్రాప్తిస్తుంది.

ఈ వాస్తు చిహ్నాలు(Vastu Shastra) కేవలం అలంకరణ మాత్రమే కాదు, ఇవి ఇంట్లోని శక్తిని క్రమబద్ధీకరించి మీకు విజయాన్ని, సంపదను అందిస్తాయి.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి