రైలు ప్రయాణంలో గుర్తింపు తప్పనిసరి… ఇండియన్ రైల్వేల కఠిన హెచ్చరిక

Indian Railways Photo ID

రైలు ప్రయాణ భద్రతను మరింత బలోపేతం చేసే దిశగా ఇండియన్ రైల్వేలు కీలక నిర్ణయం తీసుకుంది. ప్రయాణ సమయంలో ప్రయాణికుల గుర్తింపు తనిఖీలను కఠినంగా అమలు చేయనున్నట్లు తాజాగా మరోసారి స్పష్టం చేసింది.
రిజర్వ్డ్ క్లాస్‌లో ఐడీ తప్పనిసరి.

రిజర్వ్డ్ కోచ్‌లలో ప్రయాణించే ప్రయాణికుల విషయంలో కనీసం ఒకరు అయినా చెల్లుబాటు అయ్యే ఒరిజినల్ ఫోటో గుర్తింపు కార్డు తీసుకెళ్లాలని రైల్వే అధికారులు తెలిపారు. టికెట్ ఉన్నప్పటికీ ఐడీ చూపించలేకపోతే సమస్యలు ఎదుర్కోవాల్సి వస్తుందని హెచ్చరించారు.

రాయితీలు, ప్రత్యేక కోటాలకు ఆధారాలు అవసరం

రైల్వేలు అందించే రాయితీలు లేదా ప్రత్యేక కోటాల (వృద్ధులు, దివ్యాంగులు, విద్యార్థులు మొదలైనవి) కింద టికెట్లు తీసుకున్న ప్రయాణికులు, తమ అర్హతకు సంబంధించిన నిజమైన ఆధారాలు తప్పనిసరిగా చూపించాల్సి ఉంటుంది. సరైన సర్టిఫికెట్లు లేకపోతే ఆ ప్రయాణాన్ని చెల్లుబాటు కానిదిగా పరిగణిస్తామని అధికారులు స్పష్టం చేశారు.

నిబంధనలు పాటించకపోతే చర్యలుగుర్తింపు లేదా అర్హత ఆధారాలు చూపించడంలో విఫలమైన ప్రయాణికులను అనధికార ప్రయాణం చేస్తున్నవారిగా పరిగణించి, రైల్వే నిబంధనల ప్రకారం చర్యలు తీసుకునే అవకాశం ఉందని రైల్వేలు హెచ్చరించాయి

సరిహద్దు ప్రాంతాల్లో మరింత కఠినత

ఇండో–నేపాల్, ఇండో–బంగ్లాదేశ్ వంటి అంతర్జాతీయ సరిహద్దు ప్రాంతాల్లో ఈ తనిఖీలను మరింత కఠినంగా అమలు చేయనున్నారు. భద్రతా కారణాల దృష్ట్యా ఈ ప్రాంతాల్లో ప్రత్యేక నిఘా, తనిఖీలు కొనసాగుతాయని అధికారులు తెలిపారు.
రైలు ప్రయాణికులు తమ ప్రయాణ సమయంలో అవసరమైన పత్రాలు తప్పనిసరిగా తీసుకెళ్లాలని, నిబంధనలు పాటించి ఇబ్బందులు లేకుండా ప్రయాణం చేయాలని ఇండియన్ రైల్వేలు సూచిస్తోంది.

Also read: మేడారం మహాజాతర అనంతరం చెత్త మయం… శుభ్రతకు 6 వేల మంది కార్మికుల యుద్ధప్రయత్నం