ఊహించని ధన ప్రాప్తితో డబ్బు కష్టాలకు చెక్.. ఈ రాశుల వారికి అదృష్టం తలుపు తట్టబోతోంది!

హైదరాబాద్: గ్రహాల స్థితిగతులు బట్టి ఇవాళ కొన్ని రాశుల వారికి అదృష్టం తలుపు తడుతుంటే, మరికొందరికి మాత్రం అడుగుడుగునా అగ్నిపరీక్ష ఎదురుకావచ్చు. కొత్త ప్లాన్లు లేదా వ్యాపార ఆలోచనలను మీ తల్లిదండ్రులకు చెప్పడానికి ఇది చాలా మంచి సమయం.

ఆఫీసులో అధికారుల తీరు చిరాకు తెప్పించినా, భాగస్వామితో పాత విషయాల వల్ల గొడవలు తలెత్తినా ఓపిక పట్టడం చాలా ముఖ్యం. తెలియని వ్యక్తులను నమ్మి డబ్బు విషయంలో రిస్క్ తీసుకోవడం మీ ప్రశాంతతను దెబ్బతీస్తుంది. ఏయే రాశుల వారు ఇవాళ అప్రమత్తంగా ఉండాలి? ఏ రాశుల వారికి ఆర్థిక లాభాలు కలగనున్నాయి?

మేష రాశి: ఇవాళ ఆర్థికంగా మీ పిల్లల ద్వారా శుభవార్తలు అందుతాయి. వ్యాపార రంగంలో ఉన్నవారు కేవలం మాటలతో కాలక్షేపం చేసేవారిని నమ్మవద్దు. అతిగా వాగ్దానాలు చేసే వ్యక్తుల పట్ల అప్రమత్తంగా ఉండండి. మీ సృజనాత్మక ఆలోచనలు నేడు మంచి విజయాలను తెచ్చిపెడతాయి.

వృషభ రాశి: రోజంతా ఆర్థిక లావాదేవీలతో బిజీగా గడుపుతారు. మీ మనసులో ఉన్న కొత్త వ్యాపార పథకాలను తల్లిదండ్రులకు వివరించడానికి ఇది సరైన సమయం. మీ పనితీరుకు సహోద్యోగుల నుంచి ప్రశంసలు లభిస్తాయి. ఆఫీసులో సీనియర్లు మీ పట్ల చాలా సానుకూలంగా ఉండి, పూర్తి సహకారాన్ని అందిస్తారు.

మిథున రాశి: దీర్ఘకాలంగా వేధిస్తున్న ఆర్థిక ఇబ్బందులు ఇవాళ తొలగిపోయే అవకాశం ఉంది. ఊహించని ధన ప్రాప్తి కలుగుతుంది. అంకితభావంతో పనిచేసే వారికి పదోన్నతి (Promotion) లేదా జీతం పెరుగడం వంటి శుభవార్తలు వినే అవకాశం ఉంది.

కర్కాటక రాశి: కార్యాలయంలో మీ బాస్ చాలా ఉత్సాహంగా ఉండటం వల్ల వాతావరణం ఆహ్లాదకరంగా మారుతుంది. మీ ఆర్థిక స్థితి బలంగానే ఉంటుంది, కానీ అనవసర ఖర్చుల విషయంలో నియంత్రణ అవసరం. మంచి ఆరోగ్యం కోసం “ఓం సూర్య నారాయణాయ నమః” మంత్రాన్ని జపించడం శుభప్రదం.

సింహ రాశి: సొంత ఇల్లు లేదా ప్లాటుపై నేడు చేసే ఖర్చు, రేపు భారీ లాభాలను తెచ్చిపెడుతుంది. సమాజంలో పలుకుబడి కలిగిన వారి సహకారం మీకు మానసిక స్థిరత్వాన్ని, ముందుకు సాగే ధైర్యాన్ని ఇస్తుంది. అయితే, ఇవాళ మీ జీవిత భాగస్వామితో చిన్నపాటి మనస్పర్థలు వచ్చే అవకాశం ఉంది, జాగ్రత్త వహించండి.

కన్యా రాశి: హోల్‌సేల్, రిటైల్ వ్యాపారులకు ఇవాళ లాభసాటిగా ఉంటుంది. మీకు ఇష్టమైన వ్యక్తుల నుంచి సర్ప్రైజ్ గిఫ్ట్స్ అందుకోవడంతో రోజంతా ఉత్సాహంగా గడుపుతారు. విహారయాత్రలు లేదా సామాజిక వేడుకల్లో పాల్గొని సరదాగా గడుపుతారు.

తులా రాశి: ఆరోగ్య పరంగా ఇవాళ చాలా బాగుంటుంది. పెట్టుబడుల విషయంలో ఎవరైనా ఆకర్షణీయమైన ప్లాన్లతో మీ ముందుకు వస్తే, తొందరపడి డబ్బు పెట్టకండి. ఒకటికి రెండుసార్లు ఆలోచించి నిర్ణయం తీసుకోండి. పాత మిత్రుల నుంచి పిలుపు వచ్చే అవకాశం ఉంది.

వృశ్చిక రాశి: మీరు గతంలో చేసిన పొదుపు లేదా పెట్టుబడులు ఇప్పుడు మంచి లాభాలను అందిస్తాయి. శుభకార్యాల్లో పాల్గొనడం ద్వారా కొత్త వ్యక్తుల పరిచయం ఏర్పడుతుంది, వారి ఆలోచనలు మీకు స్ఫూర్తినిస్తాయి. ఆఫీసులో మీ పనికి అధికారుల నుంచి ప్రశంసలు దక్కుతాయి.

ధనుస్సు రాశి: ఇవాళ మీరు ఎంతో ఆశాజనకంగా ఉంటారు. సృజనాత్మక రంగాల వారికి చిన్నపాటి ఆటంకాలు ఎదుర్కోవాల్సి రావచ్చు, కానీ ధ్యానం చేయడం వల్ల మానసిక ప్రశాంతత లభిస్తుంది. మీ వైవాహిక బంధం ఇవాళ చాలా బలంగా ఉంటుంది, ఒక తీపి జ్ఞాపకంగా మిగిలిపోతుంది.

మకర రాశి: మీ విలువైన వస్తువుల పట్ల చాలా జాగ్రత్తగా ఉండాలి. ప్రయాణాల్లో లేదా ఆఫీసులో వస్తువులు పోయే ప్రమాదం ఉంది. సహోద్యోగులతో లేదా మీ కింద పనిచేసే వారితో చిన్నపాటి విభేదాలు వచ్చే అవకాశం ఉంది, సంయమనం పాటించండి.

కుంభ రాశి: అదనపు ఆదాయం కోసం సురక్షితమైన మార్గాల్లోనే పెట్టుబడి పెట్టండి. కుటుంబంలోకి కొత్త వ్యక్తి రాకతో ఇంట్లో పండుగ వాతావరణం నెలకొంటుంది. అయితే, సన్నిహితులతో లేదా భాగస్వామితో మాట్లాడేటప్పుడు వాదనలకు దిగకండి, ఇది ఇబ్బందికర పరిస్థితులకు దారితీయవచ్చు.

మీన రాశి: ఆఫీసులో పనిభారం, ఇంట్లో లభించని గుర్తింపు వల్ల ఇవాళ మీరు మానసిక అశాంతికి లోనయ్యే అవకాశం ఉంది. మీ జీవిత భాగస్వామితో పాత విషయాల గురించి గొడవ జరిగే ఛాన్స్ ఉంది. పిల్లలకు బాధ్యతలు, నైతిక విలువల గురించి వివరించడానికి సమయం కేటాయించండి.