పశ్చిమాసియాలో నెలకొన్న ఉద్రిక్త పరిస్థితుల ప్రభావం ప్రపంచవ్యాప్తంగా విమాన రవాణాపై పడిన విషయం తెలిసిందే. భద్రతా కారణాల వల్ల గత కొన్ని రోజులుగా అనేక అంతర్జాతీయ విమాన సర్వీసులు నిలిచిపోవడంతో చాలా ఇబ్బందులు ఎదురయ్యాయి. అయితే పరిస్థితులను సమీక్షించిన తర్వాత విమాన సర్వీసులను దశలవారీగా పునరుద్ధరిస్తున్నట్లు ప్రముఖ ఎయిర్లైన్ సంస్థ ఇండిగో తాజాగా వెల్లడించింది. అధికారుల అనుమతితో కొన్ని ముఖ్య అంతర్జాతీయ మార్గాల్లో విమానాలు మళ్లీ ప్రారంభమైనట్టు స్పష్టం చేసింది.
గల్ఫ్లో చిక్కుకుపోయిన వారికి ఊరట
గల్ఫ్ దేశాల్లో చిక్కుకుపోయిన భారతీయులు తమ స్వస్థలాలకు చేరుకునేందుకు ఈ నిర్ణయం ఎంతో ఉపశమనం కలిగిస్తుందని చెప్పవచ్చు. అలాగే అత్యవసర పనుల కోసం విదేశాలకు ప్రయాణించాల్సిన వారికి కూడా ఇది గుడ్ న్యూస్ అని చెప్పాలి. ముఖ్యంగా తెలుగు రాష్ట్రాలకు చెందిన ప్రయాణికులకు హైదరాబాద్ నుంచి పలు గల్ఫ్ నగరాలకు సర్వీసులు పునఃప్రారంభమవడం కీలకంగా భావిస్తున్నారు.
హైదరాబాద్ నుంచి పలు నగరాలకు సర్వీసులు
రాజీవ్ గాంధీ ఇంటర్నేషనల్ ఎయిర్పోర్ట్ నుంచి గల్ఫ్ ప్రాంతంలోని ముఖ్య నగరాలకు ఇండిగో విమానాలు అందుబాటులోకి వచ్చాయి. వీటిలో సౌదీ అరేబియాలోని జెడ్డా, మదీనా, ఒమాన్లోని మస్కట్, యూఏఈలోని షార్జా, అబుదాబి అలాగే రస్ అల్ ఖైమా వంటి నగరాలు ఉన్నాయి.
మార్చి 12న ప్రకటించిన కొన్ని ముఖ్య సర్వీసులు
ఇండిగో విడుదల చేసిన జాబితా ప్రకారం కొన్ని ముఖ్య విమాన సర్వీసులు ఇలా ఉన్నాయి:
6E 01: London – Mumbai (లండన్ – ముంబై)
6E 02: Mumbai – London (ముంబై – లండన్)
6E 21: Amsterdam – Mumbai (అమ్స్టర్డామ్ – ముంబై)
6E 22: Mumbai – Amsterdam (ముంబై – అమ్స్టర్డామ్)
6E 25: Mumbai – Amsterdam (ముంబై – అమ్స్టర్డామ్)
6E 58: Hyderabad – Madinah (హైదరాబాద్ – మదీనా)
6E 59: Madinah – Mumbai (మదీనా – ముంబై)
6E 61: Jeddah – Mumbai (జెడ్డా – ముంబై)
6E 62: Mumbai – Jeddah (ముంబై – జెడ్డా)
6E 63: Jeddah – Delhi (జెడ్డా – ఢిల్లీ)
6E 64: Delhi – Jeddah (ఢిల్లీ – జెడ్డా)
6E 65: Jeddah – Kozhikode (జెడ్డా – కోజికోడ్)
6E 66: Kozhikode – Jeddah (కోజికోడ్ – జెడ్డా)
6E 67: Jeddah – Hyderabad (జెడ్డా – హైదరాబాద్)
6E 68: Hyderabad – Jeddah (హైదరాబాద్ – జెడ్డా)
6E 73: Riyadh – Mumbai (రియాద్ – ముంబై)
6E 74: Mumbai – Riyadh (ముంబై – రియాద్)
6E 77: Jeddah – Bengaluru (జెడ్డా – బెంగళూరు)
6E 78: Bengaluru – Jeddah (బెంగళూరు – జెడ్డా)
6E 91: Jeddah – Mumbai (జెడ్డా – ముంబై)
6E 92: Mumbai – Jeddah (ముంబై – జెడ్డా)
6E 1267: Muscat – Mumbai (మస్కట్ – ముంబై)
6E 1268: Mumbai – Muscat (ముంబై – మస్కట్)
6E 1273: Muscat – Hyderabad (మస్కట్ – హైదరాబాద్)
6E 1274: Hyderabad – Muscat (హైదరాబాద్ – మస్కట్)
6E 1413: Abu Dhabi – Mumbai (అబుదాబి – ముంబై)
6E 1414: Mumbai – Abu Dhabi (ముంబై – అబుదాబి)
6E 1421: Sharjah – Hyderabad (షార్జా – హైదరాబాద్)
6E 1422: Hyderabad – Sharjah (హైదరాబాద్ – షార్జా)
6E 1448: Abu Dhabi – Hyderabad (అబుదాబి – హైదరాబాద్)
6E 1449: Hyderabad – Abu Dhabi (హైదరాబాద్ – అబుదాబి)
6E 1453: Dubai – Mumbai (దుబై – ముంబై)
6E 1454: Mumbai – Dubai (ముంబై – దుబై)
6E 1461: Dubai – Delhi (దుబై – ఢిల్లీ)
6E 1462: Delhi – Dubai (ఢిల్లీ – దుబై)
6E 1463: Dubai – Delhi (దుబై – ఢిల్లీ)
6E 1464: Delhi – Dubai (ఢిల్లీ – దుబై)
6E 1495: Ras Al Khaimah – Hyderabad (రస్ అల్ ఖైమా – హైదరాబాద్)
6E 1496: Hyderabad – Ras Al Khaimah (హైదరాబాద్ – రస్ అల్ ఖైమా)
6E 1501: Fujairah – Mumbai (ఫుజైరా – ముంబై)
6E 1502: Mumbai – Fujairah (ముంబై – ఫుజైరా)
ఇవి కాకుండా ముంబై, ఢిల్లీ, బెంగళూరు వంటి నగరాల నుంచి కూడా గల్ఫ్ మరియు యూరప్ నగరాలకు కొన్ని సర్వీసులు నడుస్తున్నాయి.
ప్రయాణికులు గమనించాల్సిన అంశాలు
ప్రస్తుత పరిస్థితులు ఇంకా పూర్తిగా సాధారణ స్థితికి చేరుకోకపోవడంతో విమానాల షెడ్యూల్లో మార్పులు ఉండే అవకాశం ఉందని ఇండిగో తెలిపింది. అందువల్ల ప్రయాణికులు విమానాశ్రయానికి వెళ్లే ముందు తమ ఫ్లైట్ స్టేటస్ను అధికారిక వెబ్సైట్లో తప్పనిసరిగా చెక్ చేసుకోవాలని సూచించింది.
మరోవైపు ఎవరికైనా ఏవైనా సందేహాలు ఉంటే ఇండిగో హెల్ప్లైన్ నంబర్ +91 124 6173838 ను సంప్రదించవచ్చు. యుద్ధ పరిస్థితుల కారణంగా విమానాలు రద్దయిన ప్రయాణికులకు ప్రత్యామ్నాయ ఏర్పాట్లు చేసేందుకు కూడా సంస్థ ప్రయత్నాలు చేస్తున్నట్లు తెలిపింది.
