- ధమనులను సహజంగా శుభ్రం చేసే సూపర్ ఫుడ్స్
- కొలెస్ట్రాల్ తగ్గించి గుండె ఆరోగ్యాన్ని కాపాడే ఆహారం
- హార్ట్ అటాక్, స్ట్రోక్ ముప్పును తగ్గించే డైట్ చిట్కాలు
మన శరీరంలోని ప్రతి భాగానికి రక్తాన్ని, ఆక్సిజన్ను సరఫరా చేసే కీలకమైన పైపులు ‘ధమనులు’ (Arteries). ఇవి ఎంత శుభ్రంగా ఉంటే గుండె అంత ఆరోగ్యంగా ఉంటుంది. కానీ, మనం తీసుకునే ఆహారం వల్ల ధమనుల గోడల్లో కొలెస్ట్రాల్ పేరుకుపోయి, అవి మూసుకుపోయే ప్రమాదం ఉంది. దీనివల్ల రక్త ప్రసరణ తగ్గి.. గుండెపోటు, స్ట్రోక్ వంటి ప్రాణాంతక సమస్యలు ఎదురవుతాయి.
Also Read - నుమాయిష్లో నోరూరించే రుచుల జాతర.. ఫుడ్ స్టాళ్లకు నగరవాసుల నుండి భారీ స్పందన
అదృష్టవశాత్తూ, మన వంటగదిలో ఉండే కొన్ని రకాల ఆహార పదార్థాలతో ఈ ధమనులను సహజంగానే శుభ్రం చేసుకోవచ్చు.
ధమనులను శుభ్రపరిచే ‘సూపర్ ఫుడ్స్’:
1. ఓట్స్ : ధమనుల ఆరోగ్యానికి ఓట్స్ ఒక అద్భుతమైన ఎంపిక. వీటిలో ఉండే పీచు పదార్థం, యాంటీ ఆక్సిడెంట్లు శరీరంలోని చెడు కొలెస్ట్రాల్ను తగ్గిస్తాయి. రోజూ ఓట్స్ తీసుకోవడం వల్ల ధమనుల్లో కొవ్వు పేరుకుపోకుండా ఉంటుంది.
2. సుగంధ ద్రవ్యాలు: మనం వాడే అల్లం, దాల్చిన చెక్క, మిరియాలు, పచ్చిమిర్చిలో ‘యాంటీ ఇన్ఫ్లమేటరీ’ గుణాలు పుష్కలంగా ఉంటాయి. ఇవి శరీరంలో ఆక్సీకరణ ఒత్తిడిని తగ్గించి, ధమనులు మూసుకుపోయే ప్రమాదాన్ని నివారిస్తాయి.
3. టమాటాలు : టమాటాల్లో ఉండే ‘లైకోపీన్’ అనే శక్తివంతమైన పోషకం రక్తనాళాల ఆరోగ్యాన్ని కాపాడుతుంది. దీనిలో ఉండే విటమిన్ సి, ఇ లు మంచి కొలెస్ట్రాల్ స్థాయిలను పెంచి, గుండెపై ఒత్తిడిని తగ్గిస్తాయి.
4. ఆకుపచ్చని కూరగాయలు: క్యాబేజీ, బ్రోకలీ, కాలీఫ్లవర్ వంటి కూరగాయలు రక్తనాళాల వాపును తగ్గించడంలో కీలక పాత్ర పోషిస్తాయి. వీటిని క్రమం తప్పకుండా తీసుకోవడం వల్ల గుండె జబ్బుల ముప్పు తగ్గుతుంది.
5. సిట్రస్ పండ్లు: నిమ్మ, నారింజ, బత్తాయి వంటి పండ్లలో విటమిన్లు, యాంటీ ఆక్సిడెంట్లు అధికంగా ఉంటాయి. ఇవి శరీరంలోని ఫ్రీ రాడికల్స్తో పోరాడి, ధమనుల గోడలు గట్టిపడకుండా కాపాడతాయి.
6. చేపలు: చేపలలో ఉండే ‘ఒమేగా-3 ఫ్యాటీ యాసిడ్స్’ గుండెకు ప్రాణవాయువు లాంటివి. ఇవి రక్తంలో రక్తం గడ్డకట్టే ముప్పును తగ్గించడమే కాకుండా, శరీరంలోని వాపులను నివారిస్తాయి.
