జుట్టు రాలడం ఆగి.. ఒత్తుగా పెరగాలా? అయితే ఈ నూనెలే బెస్ట్ చాయిస్!

Hair Fall

హైదరాబాద్: పట్టులాంటి మెరిసే జుట్టు, ఒత్తైన కురులు ఉండాలని ప్రతి ఒక్కరూ కోరుకుంటారు. కానీ నేటి కాలుష్యం, ఒత్తిడి వల్ల జుట్టు రాలడం, పొడిబారడం వంటి సమస్యలు సర్వసాధారణం అయిపోయాయి. ఈ సమస్యల నుండి జుట్టును రక్షించుకోవడానికి మనకు ఉన్న పురాతన, ఉత్తమ మార్గం ‘నూనె మర్దన’. జుట్టుకు నూనె రాయడం వల్ల కుదుళ్లు బలోపేతం అవ్వడమే కాకుండా, రక్త ప్రసరణ పెరిగి జుట్టు వేగంగా పెరుగుతుంది. అయితే, ఏ సమస్యకు ఏ నూనె వాడాలో తెలియక చాలామంది తికమకపడుతుంటారు. మీ జుట్టు తత్వాన్ని బట్టి ఏ నూనె ఎలాంటి మేలు చేస్తుందో ఇప్పుడు వివరంగా తెలుసుకుందాం.

1. ఆముదం, జోజోబా ఆయిల్:

ఆముదంలో ఉండే రిసినోనిక్ ఆమ్లం తల చర్మానికి రక్త ప్రసరణను పెంచుతుంది. ఇది జుట్టు రాలడాన్ని అరికట్టి, వెంట్రుకలు నల్లగా, దృఢంగా పెరగడానికి సహాయపడుతుంది. ఇక జోజోబా ఆయిల్ జుట్టులో సహజమైన తేమను కాపాడుతుంది. తల చర్మం ఎక్కువగా పొడిబారే వారికి ఇది ఒక గొప్ప వరప్రసాదం.

2. రోజ్ మేరీ, టీ ట్రీ ఆయిల్:

జుట్టు రాలడం ఎక్కువగా ఉన్నవారు రోజ్ మేరీ ఆయిల్‌ను వాడటం ఉత్తమం. ఇది కుదుళ్లను ఉత్తేజితం చేసి కొత్త జుట్టు మొలవడానికి ప్రేరేపిస్తుంది. టీ ట్రీ ఆయిల్‌లో ఉండే యాంటీ బ్యాక్టీరియల్ గుణాలు చుండ్రును, తల చర్మంపై వచ్చే ఇన్ఫెక్షన్లను సమర్థవంతంగా ఎదుర్కొంటాయి.

Also read: మీరు ఈ సమయాలలో నిద్రపోతున్నారా? అయితే మీకు దరిద్రం తప్పదు !

3. కొబ్బరి నూనె, పెప్పర్‌మింట్ ఆయిల్:

తరతరాల నుండి మనం వాడుతున్న కొబ్బరి నూనె జుట్టుకు లోతైన పోషణను అందిస్తుంది. ఇది జుట్టు చిట్లిపోకుండా చూస్తుంది. పెప్పర్‌మింట్ ఆయిల్ వాడటం వల్ల జుట్టు ఒత్తుగా పెరుగుతుంది. ఇది కుదుళ్లకు చల్లదనాన్ని ఇవ్వడమే కాకుండా వేగవంతమైన ఎదుగుదలకు తోడ్పడుతుంది.

4. ఆలివ్ ఆయిల్, బాదం నూనె:

ఆలివ్ ఆయిల్‌లో విటమిన్-ఇ, యాంటీ ఆక్సిడెంట్లు పుష్కలంగా ఉంటాయి. ఇవి జుట్టుకు సహజమైన మెరుపును ఇస్తాయి, చివర్లు చిట్లడం వంటి సమస్యలను తగ్గిస్తాయి. ఎండ, ధూళి వల్ల దెబ్బతిన్న జుట్టును బాదం నూనె తిరిగి ఆరోగ్యంగా మారుస్తుంది. జుట్టు తెగిపోకుండా కాపాడుతుంది.

5. భృంగరాజ్ (గుంటగలగర) నూనె:

ఆయుర్వేదంలో జుట్టు సంరక్షణకు భృంగరాజ్ ఆయిల్‌కు మించినది లేదు. ఇది జుట్టు రాలడాన్ని ఆపడమే కాకుండా, చిన్న వయసులో వచ్చే తెల్ల జుట్టు సమస్యను నివారిస్తుంది.

జుట్టు సమస్యలు ఒక్కొక్కరికి ఒక్కోలా ఉంటాయి. మీ జుట్టు పొడిబారుతోందా, చుండ్రు ఉందా లేదా రాలిపోతుందా అన్న దానిని బట్టి పైన పేర్కొన్న నూనెలలో సరైన దానిని ఎంచుకోండి. క్రమం తప్పకుండా నూనె మర్దన చేయడం వల్ల కేవలం జుట్టు పెరగడమే కాకుండా మనసుకూ ప్రశాంతత లభిస్తుంది.