హైదరాబాద్ రియల్ ఎస్టేట్: శంకర్పల్లి, తుక్కుగూడ కారిడార్లలో ఇన్వెస్ట్‌మెంట్‌కు సరైన సమయం.. నిపుణుల రిపోర్ట్!

హైదరాబాద్ ఐటీ రంగానికి గుండెకాయ లాంటి గచ్చిబౌలి, ఫైనాన్షియల్ డిస్ట్రిక్ట్, కోకాపేట్లలో భూముల ధరలు సామాన్యులకు, మధ్యతరగతి ఇన్వెస్టర్లకు అందనంత ఎత్తుకు చేరాయి.

ఈ నేపథ్యంలో పశ్చిమ కారిడార్‌కు సహజ విస్తరణగా శంకర్పల్లి శరవేగంగా అభివృద్ధి చెందుతోంది. మోకిలా దాటిన తర్వాత ఉండే ఈ ప్రాంతం, ఒకప్పుడు నిశ్శబ్దంగా ఉండే శివారు పట్టణం నుండి ఇప్పుడు ప్రీమియం గేటెడ్ కమ్యూనిటీలకు వేదికగా మారుతోంది.

నగరంలోని రద్దీ వాతావరణానికి దూరంగా, ఆహ్లాదకరమైన పరిసరాలలో పెద్ద ఇళ్లు, విల్లాలు నిర్మించుకోవాలనుకునే వారికి శంకర్పల్లి బెస్ట్ ఆప్షన్‌గా నిలుస్తోంది.

ఇక్కడ ప్రముఖ డెవలపర్లు భారీ ఇంటిగ్రేటెడ్ టౌన్‌షిప్‌లను ప్రారంభిస్తున్నారు. అంతర్జాతీయ పాఠశాలలు, అత్యాధునిక ఆసుపత్రులు ఇక్కడ విస్తరిస్తుండటం వల్ల రాబోయే పదేళ్ల కాలంలో ఈ ప్రాంతం నివాస పరంగా అత్యుత్తమ రేటింగ్‌ను సొంతం చేసుకోనుంది.

తుక్కుగూడ – మౌలిక వసతులతో దూసుకుపోతున్న సౌత్ గేట్‌వే

శంకర్పల్లి పశ్చిమ వైపు విస్తరణకు ప్రతీకగా నిలిస్తే, తుక్కుగూడ హైదరాబాద్ దక్షిణ ప్రాంత రూపురేఖలను మార్చేస్తోంది.

శంషాబాద్ అంతర్జాతీయ విమానాశ్రయానికి అత్యంత సమీపంలో ఉండటం ఈ ప్రాంతానికి ఉన్న అతిపెద్ద ప్లస్ పాయింట్. కేవలం ఎయిర్‌పోర్ట్ కారిడార్‌గానే కాకుండా, ఇదొక స్వయంసమృద్ధ పట్టణంగా (Urban Ecosystem) అవతరిస్తోంది.

ఔటర్ రింగ్ రోడ్ (ORR), శ్రీశైలం హైవే, ప్రతిపాదిత రీజినల్ రింగ్ రోడ్ (RRR) మరియు భవిష్యత్ మెట్రో కనెక్టివిటీలు తుక్కుగూడను రవాణా పరంగా అత్యంత కీలక కేంద్రంగా మార్చాయి.

ప్రభుత్వం ఇక్కడ లాజిస్టిక్స్, కమ్యూనిటీ ప్రాజెక్టులపై భారీగా పెట్టుబడులు పెడుతోంది. విమానాశ్రయ ప్రయాణికుల రద్దీ పెరుగుతున్న కొద్దీ, ఇక్కడ కమ్యూనిషియల్ స్పేస్‌లు, హోటళ్లు మరియు లగ్జరీ విల్లా ప్రాజెక్టులకు డిమాండ్ అమాంతం పెరుగుతోంది.

విభిన్న మార్కెట్లు.. విభిన్న పెట్టుబడి అవకాశాలు

ఈ రెండు ప్రాంతాలు రియల్ ఎస్టేట్ పరంగా దూసుకుపోతున్నప్పటికీ, వీటి ఇన్వెస్ట్‌మెంట్ ప్రొఫైల్స్ పూర్తిగా భిన్నంగా ఉన్నాయని ప్రాప్‌గో (PropGo) వ్యవస్థాపకులు మరియు మేనేజింగ్ డైరెక్టర్ రాజశేఖర్ రెడ్డి అల్లిపురం విశ్లేషించారు. పెట్టుబడిదారులు తమ బడ్జెట్, అవసరాలకు తగ్గట్టుగా వీటిని ఎంచుకోవాల్సి ఉంటుంది.

శంకర్పల్లి దేనికి అనుకూలం: లగ్జరీ విల్లా కమ్యూనిటీలు, ప్రీమియం ప్లాట్లు, వీకెండ్ ఫార్మ్‌హౌస్‌లు మరియు లాంగ్ టర్మ్ రెసిడెన్షియల్ అప్రిషియేషన్ కోరుకునే వారికి ఇది సరైన వేదిక.

తుక్కుగూడ దేనికి అనుకూలం: ఎయిర్‌పోర్ట్ ఆధారిత వృద్ధి, కమర్షియల్ కాంప్లెక్స్‌లు, లాజిస్టిక్స్ హబ్‌లు, వేర్‌హౌసింగ్ మరియు మౌలిక వసతుల ఆధారిత ఇన్వెస్ట్‌మెంట్లు పెట్టేవారికి ఇది కేరాఫ్.

ఒకప్పుడు మాదాపూర్, ఆ తర్వాత గచ్చిబౌలి, నిన్న కోకాపేట్ హైదరాబాద్ రియల్ ఎస్టేట్ రూపురేఖలను మార్చేశాయి. ఇప్పుడు ఆ తదుపరి అధ్యాయం శంకర్పల్లి, తుక్కుగూడల రూపంలో మొదలైంది.

మార్కెట్ ఫండమెంటల్స్ బలంగా ఉన్న ఈ సమయంలోనే త్వరగా నిర్ణయం తీసుకునే ఇన్వెస్టర్లు భవిష్యత్తులో భారీ లాభాలను ఆర్జిస్తారని నిపుణులు స్పష్టం చేస్తున్నారు.