తుక్కుగూడలో లగ్జరీ విల్లాల ప్రాజెక్ట్‌కు పెరుగుతున్న ఆదరణ

హైదరాబాద్ నగర పరిసర ప్రాంతాల్లో లగ్జరీ హౌసింగ్ ప్రాజెక్టులపై డిమాండ్ వేగంగా పెరుగుతున్న వేళ తుక్కుగూడలో అభివృద్ధి చెందుతున్న “ట్రెజర్ ట్రోవ్” విల్లా ప్రాజెక్ట్ రియల్ ఎస్టేట్ వర్గాల్లో ప్రత్యేక చర్చకు దారి తీస్తోంది. భారీ స్థల విస్తీర్ణం, ప్రకృతి మధ్య ప్రశాంత వాతావరణం, అంతర్జాతీయ స్థాయి సౌకర్యాలతో ఈ ప్రాజెక్ట్ హైఎండ్ కొనుగోలుదారుల దృష్టిని ఆకర్షిస్తోంది.

ఈ ప్రాజెక్ట్‌లో ప్రతి విల్లా దాదాపు 7,885 నుంచి 7,915 చదరపు అడుగుల విస్తీర్ణంలో నిర్మితమవుతోంది. ఒక్కో విల్లా కోసం 800 నుంచి 1100 చదరపు గజాల స్థలం కేటాయించడం ప్రస్తుతం హైదరాబాద్ గేటెడ్ కమ్యూనిటీల్లో అరుదుగా కనిపించే అంశమని రియల్ ఎస్టేట్ నిపుణులు చెబుతున్నారు.

ప్రాజెక్ట్ ప్రత్యేకతల్లో ప్రధానంగా ప్రకృతికి ఇచ్చిన ప్రాధాన్యం నిలుస్తోంది. మొత్తం ప్రాజెక్ట్‌లో దాదాపు 50 శాతం ఓపెన్ స్పేస్‌ను ఉంచారు. భారీ 10 అడుగుల కిటికీలు, రెండు వైపుల గాలి ప్రసరణ, విశాలమైన వరండాలు, పురాతన మర్రిచెట్లు, పండ్ల తోటలు, నీటి వనరులు, 2.5 ఎకరాల గ్రీన్ ల్యాండ్‌స్కేప్ ఈ ప్రాజెక్ట్‌ను రిసార్ట్ తరహా వాతావరణంగా మార్చుతున్నాయి.

ఇక లగ్జరీ సౌకర్యాల పరంగా కూడా ప్రాజెక్ట్ ప్రత్యేక ఆకర్షణగా నిలుస్తోంది. ప్రైవేట్ హోమ్ థియేటర్ స్పేస్‌లు, వాక్-ఇన్ వార్డ్‌రోబ్స్, లిఫ్ట్‌లు, ఇటాలియన్ మార్బుల్ ఫ్లోరింగ్, టెంపరేచర్ కంట్రోల్ స్విమ్మింగ్ పూల్, పికిల్‌బాల్ కోర్ట్, వెల్‌నెస్ జోన్‌లు, యోగా డెక్స్, అవుట్‌డోర్ కేఫేలు, అతిథుల కోసం ప్రత్యేక సూట్లు వంటి సదుపాయాలు అందుబాటులో ఉండనున్నాయి. అదనంగా 50 వేల చదరపు అడుగుల క్లబ్ హౌస్‌ను కూడా అభివృద్ధి చేస్తున్నారు.

Also Read : అన్విత గ్రూప్‌కు బ్రాండ్ అంబాసిడర్‌గా బాలకృష్ణ

తుక్కుగూడ ప్రాంతం గత కొన్నేళ్లుగా హైదరాబాద్‌లో వేగంగా ఎదుగుతున్న లగ్జరీ కారిడార్‌గా మారుతోంది. ఔటర్ రింగ్ రోడ్ కనెక్టివిటీ, రాజీవ్ గాంధీ అంతర్జాతీయ విమానాశ్రయానికి సమీపం, ఆదిభట్ల ఐటీ మరియు ఏరోస్పేస్ హబ్ అభివృద్ధి, భవిష్యత్ మౌలిక వసతుల ప్రాజెక్టులు ఈ ప్రాంతానికి అదనపు విలువను తీసుకొస్తున్నాయి.

హైదరాబాద్ రియల్ ఎస్టేట్ మార్కెట్‌లో ఇటీవల విల్లా ప్రాజెక్టులపై ఆసక్తి గణనీయంగా పెరిగింది. ముఖ్యంగా కోవిడ్ తర్వాత విశాలమైన ఇళ్లు, ప్రకృతి మధ్య జీవనం, ప్రైవసీ ఉన్న కమ్యూనిటీలకు డిమాండ్ పెరిగింది. తుక్కుగూడ వంటి ప్రాంతాలు భవిష్యత్ పెట్టుబడులకు కీలక కేంద్రాలుగా మారుతున్న నేపథ్యంలో ఇలాంటి ప్రాజెక్టులు నగర లగ్జరీ హౌసింగ్ ట్రెండ్‌ను ప్రతిబింబిస్తున్నాయని మార్కెట్ విశ్లేషకులు చెబుతున్నారు.

Also Read : ఉస్మాన్ నగర్ వేలంలో రికార్డు – ఎకరా రూ.51.25 కోట్లకు అమ్మకం