ఫ్రిజ్‌ను గోడకు దగ్గరగా పెడుతున్నారా? అయితే ప్రమాదాన్ని కొనితెచ్చుకున్నట్లే

Refrigirator close to wall

హైదరాబాద్: చాలా ఇళ్లలో స్థలం తక్కువగా ఉందని లేదా చూడటానికి బాగుంటుందని ఫ్రిజ్‌ను గోడ(Refrigirator close to wall)కు పూర్తిగా దగ్గరగా పెడుతుంటారు. మీరు కూడా ఇదే తప్పు చేస్తున్నారా? అయితే మీ ఫ్రిజ్ జీవితకాలం తగ్గిపోవడమే కాకుండా, కరెంట్ బిల్లు కూడా షాక్ ఇచ్చేలా వస్తుంది. అంతేకాదు, కంప్రెసర్ వేడెక్కి రిఫ్రిజిరేటర్ పాడైపోయే ప్రమాదం కూడా ఉంది. ఫ్రిజ్ ఎక్కువ కాలం మన్నికగా ఉండాలన్నా, కూలింగ్ అద్భుతంగా రావాలన్నా గోడకు, ఫ్రిజ్‌కు మధ్య ఎంత దూరం ఉండాలి? ఎందుకు ఉండాలి? ఈ చిన్న చిట్కా మీ వేల రూపాయలను ఎలా కాపాడుతుందో ఇప్పుడు తెలుసుకుందాం.

గోడకు ఫ్రిజ్‌కు మధ్య దూరం(Refrigirator close to wall) ఎందుకు ఉండాలి?
వేడి బయటకు : ఫ్రిజ్ లోపల చల్లగా ఉండటానికి, వెనుక ఉండే కంప్రెసర్, కాయిల్స్ నిరంతరం వేడిని బయటకు పంపుతుంటాయి. మీరు గోడకు ఆనించి పెడితే, ఆ వేడి బయటకు వెళ్లడానికి చోటు ఉండదు. ఫలితంగా కంప్రెసర్ వేడెక్కుతుంది (Overheat).

డబుల్ బిల్లు: వేడి బయటకు వెళ్లనప్పుడు, ఫ్రిజ్ లోపల చల్లదనాన్ని మెరుగుపరచడానికి మోటార్ రెండు రెట్లు కష్టపడాల్సి వస్తుంది. దీనివల్ల కరెంట్ ఎక్కువగా ఖర్చవుతుంది, విద్యుత్ బిల్లు తడిసి మోపెడవుతుంది.

కూలింగ్ తగ్గిపోతుంది: ఫ్రిజ్‌లో కూలింగ్ తగ్గగానే గ్యాస్ అయిపోయిందని చాలామంది అనుకుంటారు. కానీ అది గ్యాస్ సమస్య కాదు, ఫ్రిజ్ ఉంచిన విధానంలో ఉన్న లోపం మాత్రమే.

కంప్రెసర్ ఫెయిల్యూర్: కంప్రెసర్ నిరంతరం వేడెక్కడం వల్ల అది త్వరగా పాడైపోతుంది. దీన్ని రిపేర్ చేయించాలంటే వేల రూపాయల ఖర్చుతో కూడిన పని.

సరైన దూరం ఎంత?

ప్రముఖ కంపెనీల మాన్యువల్స్, నిపుణుల సూచన ప్రకారం, రిఫ్రిజిరేటర్ వెనుక భాగానికి, గోడకు మధ్య కనీసం 4 అంగుళాలు (10 సెంటీమీటర్లు) దూరం ఉండాలి. దీనివల్ల గాలి ఫ్రీగా ఆడి, మోటార్ నుండి వచ్చే వేడి సులభంగా బయటకు వెళ్లిపోతుంది.

ఫ్రిజ్ కొన్నప్పుడు వచ్చే ‘యూజర్ మాన్యువల్’ను ఒకసారి చదవండి. అందులో మీ మోడల్‌కు సంబంధించి ఎంత దూరం ఉండాలో స్పష్టంగా ఉంటుంది. కేవలం 4 అంగుళాల దూరం మీ ఫ్రిజ్ జీవితకాలాన్ని పెంచుతుంది.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి