మీ ల్యాపీ ఎక్కువ కాలం మన్నాలా? అయితే ఈ చిన్న పొరపాట్లు అస్సలు చేయకండి!

Laptop Cleaning

హైదరాబాద్: నేటి కాలంలో ల్యాప్‌టాప్ మన జీవితంలో ఒక భాగమైపోయింది. పని ఒత్తిడిలోనో లేదా అవగాహన లేకనో మనం చేసే చిన్న చిన్న పొరపాట్లు ల్యాపీ పనితీరును (Performance) దెబ్బతీస్తాయి. ముఖ్యంగా దాన్ని శుభ్రం చేసే పద్ధతి సరిగ్గా లేకపోతే వేల రూపాయల నష్టం వాటిల్లే అవకాశం ఉంది. ల్యాప్‌టాప్‌ను క్లీన్ చేసేటప్పుడు నిపుణులు సూచిస్తున్న ఈ జాగ్రత్తలను ఒకసారి గమనించండి..

1. స్క్రీన్ కోసం:
చాలామంది ల్యాప్‌టాప్ స్క్రీన్ (Laptop Cleaning)తుడవడానికి కిచెన్ టవల్స్, పేపర్ న్యాప్‌కిన్లు లేదా సాధారణ గుడ్డలను వాడుతుంటారు. ఇవి చూడటానికి మెత్తగా అనిపించినా, స్క్రీన్‌పై సన్నని గీతలు పడేలా చేస్తాయి. కాబట్టి, ఎప్పుడూ మైక్రోఫైబర్ క్లాత్‌ను మాత్రమే ఉపయోగించడం ఉత్తమం. ఇది స్క్రీన్‌ను సున్నితంగా శుభ్రం చేస్తుంది.

2. కీబోర్డ్ క్లీనింగ్‌:
కీబోర్డ్ సందుల్లో దుమ్ము పేరుకుపోయినప్పుడు చాలామంది పాత టూత్‌బ్రష్‌లు లేదా గరుకైన హెయిర్ బ్రష్‌లను ఉపయోగిస్తారు. వీటివల్ల కీబోర్డ్ లోపల ఉండే సున్నితమైన కీస్ వదులైపోవడం లేదా డ్యామేజ్ అయ్యే అవకాశం ఉంది. దీనికి బదులుగా మృదువైన మేకప్ బ్రష్ లేదా సన్నటి పెయింట్ బ్రష్ వాడితే కీబోర్డ్ దెబ్బతినకుండా దుమ్మును సులభంగా వదిలించవచ్చు.

3. కెమికల్స్ వద్దు:
కిటికీలు, టీవీ స్క్రీన్‌లు తుడిచే గ్లాస్ క్లీనర్లను ల్యాపీ కోసం వాడటం అస్సలు మంచిది కాదు. వాటిలోని రసాయనాలు ల్యాప్‌టాప్ స్క్రీన్ కోటింగ్‌ను పాడు చేస్తాయి. ల్యాప్‌టాప్ కోసం ప్రత్యేకంగా లభించే క్లీనింగ్ లిక్విడ్స్‌ను వాడాలి. అయితే, లిక్విడ్‌ను నేరుగా స్క్రీన్‌పై స్ప్రే చేయకుండా, ముందుగా క్లాత్‌పై స్ప్రే చేసి ఆ తర్వాత తుడవాలి.

4. గుర్తుంచుకోవాల్సిన వి:
ల్యాప్‌టాప్‌ను క్లీన్ చేసేటప్పుడు తప్పనిసరిగా విద్యుత్ కనెక్షన్ తీసివేయాలి. ల్యాపీని వాడి ఆపేసిన వెంటనే, అంటే వేడిగా ఉన్నప్పుడు క్లీన్ చేయకూడదు. ఉపయోగించడానికి ముందు, అంటే చల్లగా ఉన్నప్పుడే శుభ్రం చేయడం సురక్షితం.

ఈ చిన్న మార్పులు చేసుకోవడం ద్వారా మీ ల్యాప్‌టాప్ (Laptop Cleaning)ఎక్కువ కాలం మన్నుతుంది మరియు సరిగ్గా పనిచేస్తుంది.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి