హైదరాబాద్: జాతకచక్రంలోని గ్రహాల గమనాన్ని బట్టి చూస్తే, ద్వాదశ రాశుల వారికి మిశ్రమ ఫలితాలు గోచరిస్తున్నాయి. గ్రహబలం అనుకూలంగా ఉన్న వారికి కార్యాలయాల్లో ప్రశంసలు, పెండింగ్ పనులు పూర్తయ్యే యోగం ఉంది. అయితే, మరికొందరు ఆర్థిక విషయాల్లోనూ, ఖర్చుల విషయంలోనూ అప్రమత్తంగా ఉండాలి. భూ సంబంధిత లావాదేవీలకు అనుకూలంగా ఉన్నా, అనారోగ్య సమస్యలు ఉన్నవారు జాగ్రత్త వహించాలి. వ్యాపార లాభాలు, కొత్త పరిచయాల ద్వారా ఆదాయం పెరిగే సూచనలు కనిపిస్తున్నాయి.
మేష రాశి: ఆర్థిక పరమైన జాగ్రత్తలు అవసరం. ఇవాళ కొత్తగా పెట్టుబడులు పెట్టడం అంత శ్రేయస్కరం కాదు. అయితే, వృత్తిపరంగా అధికారుల నుంచి, తోటి సిబ్బంది నుంచి పూర్తి సహకారం అందుతుంది. ఇది మీలో ఆత్మవిశ్వాసాన్ని పెంచుతుంది. అనుభవజ్ఞులతో సమయం గడపడం వల్ల మంచి గుర్తింపు లభిస్తుంది. మీ భాగస్వామి ఆరోగ్యంపై కొంత శ్రద్ధ చూపడం అవసరం.
వృషభ రాశి: ఆర్థిక ఇబ్బందుల వల్ల కొంచెం టెన్షన్ కలిగే అవకాశం ఉంది. సామాజిక కార్యక్రమాలు లేదా ఫంక్షన్లలో పాల్గొనడం వల్ల మనశ్శాంతి లభిస్తుంది. అతిగా ఎవరినీ నమ్మకండి, సన్నిహితుల వల్ల ఇబ్బందులు వచ్చే అవకాశం ఉంది. కొత్త ప్రాజెక్టులు ప్రారంభించడానికి లేదా కొత్త వ్యక్తులతో సంబంధాలు ఏర్పరచుకోవడానికి ఇవాళ చాలా బాగుంది.
మిథున రాశి: ఇంట్లో పనుల పట్ల నిర్లక్ష్యం, ఆఫీసులో పని ఒత్తిడి వల్ల కొంత చిరాకుగా అనిపించవచ్చు. ఆర్థిక పరంగా గ్రహస్థితి అంత అనుకూలంగా లేదు, కాబట్టి ఖర్చుల విషయంలో నియంత్రణ అవసరం. మీ వ్యక్తిత్వాన్ని మెరుగుపరుచుకునే ప్రయత్నాలు ఫలిస్తాయి. ఆర్థిక సమస్యల నుండి బయటపడటానికి 11 సార్లు ‘ఓం గం గణపతయే నమః’ అని జపించండి.
కర్కాటక రాశి: ఇవాళ చాలా ఉత్సాహంగా, శక్తివంతంగా ఉంటారు. ఆరోగ్యం సహకరిస్తుంది. పాత బాకీలు ఉన్నవారికి లేదా అప్పులు తిరిగి ఇవ్వని వారికి దూరంగా ఉండటం మంచిది. దూరపు బంధువుల నుంచి ఆనందకరమైన వార్తలు అందుతాయి. కార్యాలయంలో గత కొద్దిరోజులుగా వేధిస్తున్న సమస్యలు పరిష్కారమై, ఉద్యోగులకు ప్రశాంతత లభిస్తుంది.
సింహ రాశి: రోజంతా బాగున్నా, సాయంత్రం వేళ అకస్మాత్తుగా ఖర్చులు పెరగవచ్చు. ఆఫీసులో మీ పనితీరుతో అందరినీ ఆకట్టుకుంటారు. మీ జీవిత భాగస్వామిఇచ్చే ఒక మంచి సర్ప్రైజ్ ఈ రోజును మీకు గుర్తుండిపోయేలా చేస్తుంది.
కన్యా రాశి: శారీరక, మానసిక ఆరోగ్యం అద్భుతంగా ఉంటుంది. పాత స్నేహితులు ఎవరైనా ఆర్థిక సహాయం కోరే అవకాశం ఉంది, మీ బడ్జెట్ చూసుకుని నిర్ణయం తీసుకోండి. వృత్తిపరంగా మీ నైపుణ్యాలను ప్రదర్శించడానికి ఇది సరైన సమయం. పై అధికారుల మెప్పుతో పాటు కెరీర్లో పురోగతి సాధిస్తారు.
తులా రాశి: చాలా కాలంగా ఎదురుచూస్తున్న మీ కోరిక ఇవాళ నెరవేరుతుంది. భవిష్యత్తు అవసరాల కోసం ఇప్పటి నుంచే పొదుపు చేయడం ప్రారంభించండి. కుటుంబంలోకి కొత్త సభ్యుడి రాక గురించిన శుభవార్త సంతోషాన్నిస్తుంది. రియల్ ఎస్టేట్ రంగంలో ఉండేవారికి భారీ ఒప్పందాలు కుదిరే యోగం ఉంది. అందరినీ సమన్వయం చేసుకుంటూ లక్ష్యాలను చేరుకుంటారు.
వృశ్చిక రాశి: ధన నష్టం జరిగే సూచనలు ఉన్నందున ఆర్థిక లావాదేవీల విషయంలో, పత్రాల మీద సంతకాలు చేసేటప్పుడు అప్రమత్తంగా ఉండండి. పెద్దల సలహాలు మీ భవిష్యత్తుకు మార్గదర్శకంగా నిలుస్తాయి. వ్యాపార నిమిత్తం చేసే ప్రయాణాలు లాభసాటిగా ఉంటాయి. కార్యాలయంలో మీ కష్టానికి తగిన ప్రతిఫలం, గుర్తింపు లభిస్తాయి.
ధనుస్సు రాశి: అకస్మాత్తుగా ఖర్చులు పెరగడం వల్ల మనశ్శాంతి దెబ్బతినే అవకాశం ఉంది. కుటుంబ సభ్యులతో మాట్లాడేటప్పుడు కోపాన్ని అదుపులో ఉంచుకోవడం శ్రేయస్కరం. మీరు నేర్చుకున్న విద్య, నైపుణ్యం ఆఫీసులో మీకు మంచి గౌరవాన్ని, గుర్తింపును తెచ్చిపెడతాయి.
మకర రాశి: వ్యాపారస్తులు పెట్టుబడుల విషయంలో కొంత జాగ్రత్త వహించాలి. విదేశీ వ్యాపారంలో ఉండేవారికి ఇవాళ చాలా అనుకూలంగా ఉంటుంది. ఆఫీసులో మీ పనితీరుకు ప్రశంసలు పొందుతారు. మానసిక ప్రశాంతత కోసం హనుమాన్ చాలీసా పఠించడం ఉత్తమం.
కుంభ రాశి: గత కొంతకాలంగా మిమ్మల్ని వేధిస్తున్న ఒత్తిడి, కష్టాల నుండి ఇవాళ విముక్తి లభిస్తుంది. ట్రేడింగ్, వ్యాపార రంగం వారికి మంచి లాభాలు వస్తాయి. దీనివల్ల మీరు ఎంతో ఉత్సాహంగా, ఆనందంగా ఉంటారు. ఆఫీసు పనులు ఎటువంటి ఆటంకాలు లేకుండా సాఫీగా సాగిపోతాయి. భార్యాభర్తల మధ్య అపార్థాలు తొలగిపోతాయి.
మీన రాశి: ఆఫీసులో మీ విలువైన వస్తువుల పట్ల జాగ్రత్త అవసరం. విదేశీ సంస్థలతో కొత్త ఒప్పందాలు లేదా పరిచయాలు ఏర్పరచుకోవడానికి ఇది సరైన సమయం. వృత్తిపరంగా మంచి అభివృద్ధి ఉంటుంది.ఇతరులతో మాట్లాడేటప్పుడు జాగ్రత్తగా ఉండండి. ఎవరో ఒకరు మిమ్మల్ని ఇబ్బంది పెట్టడానికి ప్రయత్నించవచ్చు. మీభాగస్వామి ఆరోగ్యంపై కొంత శ్రద్ధ వహించాలి.
