విటమిన్ టాబ్లెట్లు వాడుతున్నారా? అయితే ఈ ‘టైమింగ్’ రహస్యాలు తెలుసుకోవాల్సిందే !

Vitamin Supplements

హైదరాబాద్: నేటి ఉరుకుల పరుగుల జీవితంలో మనం ఎంత బ్యాలెన్స్‌డ్ డైట్ తీసుకున్నా, శరీరానికి అవసరమైన అన్ని పోషకాలు సరిగ్గా అందడం లేదు. దీనివల్ల విటమిన్ లోపాలు ఏర్పడి జుట్టు రాలడం, విపరీతమైన అలసట, నిద్రలేమి, కీళ్ల నొప్పులు వంటి సమస్యలు తలెత్తుతున్నాయి. ఇలాంటి పరిస్థితుల్లో డాక్టర్లు మనకు ఐరన్, కాల్షియం, విటమిన్ బి12, విటమిన్ డి వంటి సప్లిమెంట్లను సూచిస్తుంటారు. అయితే, ఈ టాబ్లెట్లను కేవలం మింగడం మాత్రమే ముఖ్యం కాదు, వాటిని ఏ సమయంలో వేసుకుంటున్నామనేది కూడా అంతే ముఖ్యం. సరైన సమయంలో వేసుకున్నప్పుడే ఆ పోషకాలు శరీరానికి సరిగ్గా అందుతాయి.

ఏ(Vitamin Supplements) టాబ్లెట్ ఎప్పుడు తీసుకోవాలి?

1. ఐరన్ టాబ్లెట్లు: ఐరన్ సప్లిమెంట్లను ఉదయాన్నే పరగడపున తీసుకోవడం వల్ల అవి శరీరంలో త్వరగా పనిచేస్తాయి. వీటిని తీసుకున్నప్పుడు నిమ్మరసం లేదా నారింజ రసం వంటి విటమిన్-సి ఉన్న పానీయాలు తాగితే ఫలితం ఇంకా మెరుగ్గా ఉంటుంది. కానీ, ఐరన్ టాబ్లెట్ వేసుకున్న గంట వరకు పాలు, పెరుగు లేదా టీ, కాఫీలు తీసుకోకూడదు. ఎందుకంటే ఇవి ఐరన్ శోషణను అడ్డుకుంటాయి.

2. విటమిన్ బి12, గ్లూటతయోన్: విటమిన్ బి12 టాబ్లెట్లను ఉదయం బ్రేక్‌ఫాస్ట్ చేసిన తర్వాత తీసుకోవాలి. ఇది శరీరానికి రోజంతా అవసరమైన శక్తిని అందించడంలో సహాయపడుతుంది. అలాగే గ్లూటతయోన్ వంటి సప్లిమెంట్లను కూడా ఉదయం పూట తీసుకోవడం మంచిదని నిపుణులు సూచిస్తున్నారు.

3. కాల్షియం, విటమిన్ డి: ఎముకల బలానికి వాడే కాల్షియం, విటమిన్ డి టాబ్లెట్లను మధ్యాహ్నం లేదా రాత్రి భోజనం తర్వాత తీసుకోవాలి. ఇక్కడ ఒక ముఖ్యమైన విషయం ఏమిటంటే, కాల్షియం, ఐరన్ టాబ్లెట్లను ఎప్పుడూ ఒకేసారి వేసుకోకూడదు. ఒకవేళ డాక్టర్ ఈ రెండూ సూచిస్తే, వాటి మధ్య కనీసం 4 నుండి 6 గంటల గ్యాప్ ఉండేలా చూసుకోవాలి.

4. హెయిర్ సప్లిమెంట్స్: జుట్టు పెరుగుదల కోసం వాడే మల్టీ విటమిన్లలో మెలటోనిన్ వంటివి ఉంటే, వాటిని రాత్రి పూట వేసుకోవడం వల్ల నిద్ర కూడా బాగా పడుతుంది.

మందుల షాపుల్లో దొరుకుతున్నాయి కదా అని సొంతంగా టాబ్లెట్లు కొని వాడటం ప్రమాదకరం. రక్త పరీక్షలు చేయించుకున్న తర్వాత, మీ శరీరంలోని లోపాలను బట్టి డాక్టర్ ఎంత డోసేజ్ సూచిస్తే అంతే వాడాలి. అధిక మోతాదులో విటమిన్లు తీసుకోవడం వల్ల ఇతర ఆరోగ్య సమస్యలు వచ్చే అవకాశం ఉంది. కాబట్టి, ఎల్లప్పుడూ వైద్యుల పర్యవేక్షణలోనే సప్లిమెంట్లను వాడండి.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి