ఖరీదైన పెర్ఫ్యూమ్ వాడినా ఫలితం లేదా? మీరు చేస్తున్న ఈ చిన్న పొరపాట్లే కారణం!

Fragrance Fades Fast

హైదరాబాద్: నేటి కాలంలో పెర్ఫ్యూమ్ వాడటం (Fragrance Fades Fast)అనేది కేవలం ఒక అలవాటు మాత్రమే కాదు, అది ఒక వ్యక్తిత్వానికి ప్రతీకగా మారింది. మంచి సువాసన మనలో ఆత్మవిశ్వాసాన్ని పెంచడమే కాకుండా, ఎదుటివారిపై మంచి ఇంప్రెషన్ వేయడానికి సహాయపడుతుంది. అయితే, చాలామంది ఖరీదైన బ్రాండ్లు వాడుతున్నప్పటికీ, ఆ సువాసన కేవలం కొద్ది గంటల్లోనే మాయమైపోతుందని బాధపడుతుంటారు. దీనికి కారణం పెర్ఫ్యూమ్ నాణ్యత మాత్రమే కాదు, దానిని అప్లై చేసే విధానంలో చేసే పొరపాట్లు కూడా కావచ్చని నిపుణులు చెబుతున్నారు.

పెర్ఫ్యూమ్ సువాసన(Fragrance Fades Fast) రోజంతా ఉండాలంటే ఈ క్రింది పద్ధతులను పాటించాలి:

సరైన ప్రదేశాల్లో స్ప్రే చేయడం:
పెర్ఫ్యూమ్‌ను శరీరంలోని వేడి ఎక్కువగా ఉండే పల్స్ పాయింట్లపై స్ప్రే చేయాలి. చెవుల వెనుక, మణికట్టు (Wrist), కాలర్ బోన్, మోచేయి లోపలి భాగం, మోకాళ్ల వెనుక స్ప్రే చేయడం వల్ల సువాసన మెల్లగా విడుదలవుతూ రోజంతా ఉంటుంది.

రుద్దడం:
చాలామంది మణికట్టుపై స్ప్రే చేసిన తర్వాత రెండు చేతులను కలిపి రుద్దుతుంటారు. ఇలా చేయడం వల్ల పెర్ఫ్యూమ్‌లోని మాలిక్యూల్స్ దెబ్బతిని, సువాసన త్వరగా ఆవిరైపోతుంది. స్ప్రే చేసిన తర్వాత దానిని అలాగే ఆరనివ్వడం మంచిది.

మాయిశ్చరైజర్ ట్రిక్:
డ్రై స్కిన్ మీద పెర్ఫ్యూమ్ త్వరగా ఆవిరవుతుంది. అందుకే స్ప్రే చేసే ముందు ఆ ప్రదేశంలో కొద్దిగా వాసెలిన్ లేదా సువాసన లేని మాయిశ్చరైజర్ రాస్తే, పెర్ఫ్యూమ్ కణాలు తేమకు అంటుకుని ఎక్కువ సేపు నిలిచి ఉంటాయి.

స్నానం తర్వాత:
స్నానం చేసిన వెంటనే చర్మం హైడ్రేటెడ్‌గా ఉంటుంది, చర్మ రంధ్రాలు తెరుచుకుని ఉంటాయి. ఆ సమయంలో పెర్ఫ్యూమ్ అప్లై చేస్తే అది చర్మంలోకి బాగా ఇంకి, సువాసనను ఎక్కువ కాలం నిలుపుకుంటుంది.

బట్టల మీద:
శరీరంతో పాటు బట్టలపై కూడా కొద్దిగా స్ప్రే చేయడం వల్ల సువాసన ఎక్కువ సేపు ఉంటుంది. అయితే, మరీ దగ్గరగా స్ప్రే చేస్తే బట్టలపై మరకలు పడే ప్రమాదం ఉంది, కాబట్టి కొంచెం దూరం నుండి స్ప్రే చేయాలి.

నిల్వ చేసే విధానం:
పెర్ఫ్యూమ్ బాటిళ్లను నేరుగా ఎండ తగిలే చోట లేదా తేమ ఎక్కువగా ఉండే బాత్‌రూమ్‌లలో ఉంచకూడదు. చీకటిగా, చల్లగా ఉండే ప్రదేశంలో ఉంచితే దాని నాణ్యత తగ్గకుండా ఉంటుంది.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి